Efeesso 3:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

Efeesso 3:6 Referans Kwoze

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

Galaatiya 3:14

Us a inno gatte ꞌdee imaalnaanki goorat Waakh Aburaaham imaale, yaafohi Yaꞌhuud ieheynan laka Yeesso Kiriisto ka imaala, ꞌdee kakhuufnaanki inno Kiriisto kakhuufno ka, ayyinti Rubeyti Munyeenye goorat Waakh gooche ꞌhella.

1 Koriinto 12:27

Atin tuumman a sar Kiriisto, etiin ba la sarta ka a miiloo.

Kolossaay 2:19

Us Kiriistohi matakki urur Kiriistee ma khuccho. Matakka ka, sar Kiriistoti tuummane hubno ichoow maanjeerre khucchisso a isleeweynaataan saggi Waakh iweynaachuu.

Efeesso 5:30

Iꞌdi tahe inno a iꞌdi miilassi sartiissa.

Efeesso 5:7

Maantaka ꞌdooꞌdi uskeelaas yeelo awalhinna.

1 Koriinto 12:12

Sarti enenyet a too kaldach on, chirri iche miilassi ittaawe khabto laka. Toro la chirri miilal ittaaw yahiin laka, sartoo kaldache yeelaan. Sar Kiriisto laka a iꞌdaas on.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Efeesso 3:3

Wihi Waakh yeele a waha, maliiski dagsaneete us ꞌdooꞌd ikhabe ani isoobabbakkaahiche. Gaabi ka ꞌhor woraas a atin isoochiire.