Efeesso 3:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Wahaas atin soonteen ka, saggi an mali dagsane Kiriisto miinsan igardi aban a tabuuꞌdiin.

Efeesso 3:4 Referans Kwoze

Kolossaay 4:3

Geeddaas la toro Waakh nah isoowaha, ꞌdee Waakh aritti nah wori Waakh kacheekno a nah ifaho. Wora la a wori goorat dagsane Kiriisto miinsan. Anna jeenteti worane jeela ikajira.

1 Koriinto 4:1

ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha.

2 Koriinto 11:6

Kolossoo an eti af kaatah mee. Eheetteey laka an wori Waakh a garda, ꞌdow ka la, jitat tuumman ichoow walah tuumman ka wahaas a atin tuse.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,

Efeesso 6:19

Ani laka Waakh isoowaha, ꞌdee chaꞌan yeyyeedo, Waakh wihi an adeeh a isiicho, ꞌdee roorro laan enenyet wihi dagsane Wori Haaggan miinsan a icheeko.

Efeesso 5:32

Chiirnaankaas aytoo weyti weene dagsane kaayyeda. Iꞌdaasenyi yeedaas ka ani Kiriisto ichoow ururiissa kaayyeeda.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Luuka 8:10

Wihi us iyidah, “Waakh garanti wihi dagsane dakhi Waakh miinsan lagarti a atin siiche. Iꞌdaasenyi ꞌdooꞌdi addan a imammahda, “ ‘ꞌdee walah yeyaane, eheet a ma argaan, wihi an eldi daagaane, eheet a ma abtaan.’

1 Timooti 3:9

Rubeyti suujoon inno ikacheekan ka, a ꞌdooꞌdi wori dagsane rummaate Kiriisto miinsane Waakh enenyet isoobabbakkaahiche kakhuufo.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Mattaayo 13:11

Yeesso la wihi us ilaabe, “Waakh garanti wihi dagsane dakhi goobi Waakh miinsan lagarti a atin siiche. Iꞌdaasenyi ꞌdooꞌdi addan iꞌdaas mee.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

Efeesso 3:3

Wihi Waakh yeele a waha, maliiski dagsaneete us ꞌdooꞌd ikhabe ani isoobabbakkaahiche. Gaabi ka ꞌhor woraas a atin isoochiire.

Efeesso 3:9

Toro la Waakh dakhi wihi tuummane dagsaneete us enenyet ikhabo miinsan ꞌdooꞌd latuso a igesse. Waakkhi walah tuumman soouume la, wahanyeyyohaas injire enenyet ma isoobabbakkaahin.

Kolossaay 1:26

Waha la uuꞌ lasoobahe ichoow kholoyyo tuumman ka a wihi dagsane, iꞌdaasenyi toolla ꞌdooꞌdi Waakh a liisoobabbakkaahiche.