Efeesso 3:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Urur Kiriisto ichoow Yeesso Kiriisto ka, Waakh ba kholoyyo tuumman ichoow jirtuu tuummamba lakoolicha! Aamiin.

Efeesso 3:21 Referans Kwoze

Yuuda 1:25

Toro la Yeesso Kiriistohi Kamureene ka, Waakkheenki kaldaye ꞌDoorribeheene koolo ichoow kussi ichoow miig ichoow anto ba wihiissa on a yitaaheen geeddi harra liisoouumin ichoow toolla ichoow jirtuu tuummamba. Aamiin.

Rooma 11:36

A mehe Waakh a uumacchoti walah tuummane, usu on ka walah tuumman lasoouume toro la walah tuumman usu liisoouume. Jirtuu tuumman usu a lakoolicho. Aamiin.

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.

1 Beetero 5:11

Jirtuu tuumman la miige a tiissa. Aamiin!

Fiiliffi 4:20

Waakkheenki Aabbaheene jirtuu tuummamba a lakoolicho. Aamiin.

Rooma 16:27

Yeesso Kiriisto ka, Waakkhi kaldaye khara tuumman leh, jirtuu tuumman a lakoolicho. Aamiin.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Fiiliffi 2:11

toro la icho tuumman saggi Yeesso Kiriisto Kamur iyahe ꞌdow ka a cheekaane, ꞌdee Waakkhi Aabbaheene lasaaꞌda.

Galaatiya 1:5

Waakh koolinno jirtuu tuummamba! Aamiin.

2 Timooti 4:18

Kamur suujoon tuumman a ikariba ichoowka nebey goobiiski saraate us dakhti igeecha. Us ba jirtuu tuummamba lasaaꞌda. Aamiin.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Efeesso 1:6

Maantaka Waakh koolinno jeenteti haaggiiski buurenye us inno siiche u. Weeliiski us weyti ꞌdoono ka haagga iꞌdaanu a inno siiche.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.