Efeesso 3:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Wihi an Waakh daaho, Waakh ba kamurroonkiiski ween ka, Rubeytiis ka uurassiin miigoocha,

Efeesso 3:16 Referans Kwoze

Kolossaay 1:11

Toro la Waakh ba miigtiisti miig tuumman kussan ka atin miigoocha, ꞌdee walahbaaw atin isoobahe ka ꞌdooꞌdi samacchaare tateehiine, garrahsattaan. Toro la hamaadi buure ka,

Fiiliffi 4:13

Kiriistohi miig isiicho ka, a geeddi an walah tuumman yeelo.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

Efeesso 6:10

Ayti ꞌdaꞌddaboot talla. Atin ichoow Kamur a wohoo kalday gone, taba miigtiisti weyti buure ka miigowa.

2 Koriinto 12:9

Iꞌdaasenyi mehe isoolaabe ya, “Haaggeeyki buure a kiyaakha. A mehe ꞌdarritaah ka miigteey tuum a lasoobabbakkaahiche.” Maantaka an ꞌdarriteey ka weyti hamaad ka eylaja, ꞌdee miig Kiriisto goyteey furatta.

Fiiliffi 4:19

Waakkheey la kamurroonki weene Yeesso Kiriisto lakaꞌhelo ka, wihi buurenye atin jirotiin ka ꞌdoontaan tuumman a atin siicha.

Rooma 7:22

A mehe ani maleey goyaka weyti amurreti Waakh kahamaada.

1 Koriinto 16:13

Taba istoorriba, kakhuufnaanki atin Waakh kakhuuftaan ka mujjum tolola. Aburꞌdowina, miig la khaba.

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Ibiraaniya 11:34

gaasoo laka ꞌdabi buure jiccheene, gaasoo laka ꞌdooꞌdi birlabbe ka ogoos marmo kabahsateen. Icho a ꞌdaꞌddarneete, iꞌdaasenyi miigoween. Toro la iskarti diho ka mimmiigenye chiiyo firdisso yitaaheen.

1 Beetero 3:4

Eykodi atin iseykoddaan ki goytiin kasoobaho jirtuu tuumman ituumin a eheetti. Jiroti samacchaarenye sir laaye Waakh ortiis ka weyti khumman jira.

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Rooma 2:29

Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.

Efeesso 3:15

A mehe ꞌdooꞌdiiski goobi Waakhe saraat ichoow ki harrata usu magah kaꞌhelaan.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,