Efeesso 3:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Ulla wihi us kamasse, toolla urur Kiriisto ka kharati Waakhe ittaawe karnatohi ginnayyohi anto lehe meessi saraat kijiro a abcha.

Efeesso 3:10 Referans Kwoze

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

Rooma 11:33

ꞌHay! Wihi Waakh garti ichoow kharati Waakh a too geeddohe? Enenna a buure! Ayyo maanta wihi Waakh gooche ꞌdubicho bahcha? Ebba! Toro la ayyo jitiis garta? Ebba!

Efeesso 1:21

Intaas ka Kiriisto herti Waakh ichoow ginnayyo tuumman ichoow wihi anto khabo tuumman ichoow kamurre tuumman dakhta. Us magahenyeti enenyet liibahcho tuumman laka a kussayyahe, ti weyꞌda jirto ichoow ti jirtuu tuumman soojirto.

Efeesso 1:3

Waakkheenki Aabba Yeesso Kiriistohi Kamureene koolinno. Waakh Kiriisto ka, goobi Waakh goyaka buuhi Rubeyti Munyee kayamiit tuumman a inno imaale.

1 Koriinto 1:24

Iꞌdaasenyi ꞌdooꞌdi Yaꞌhuud ichoow ki Yaꞌhuud ieheynane Waakh wahe ka, wora a koo Kiriistohi miigti Waakhenye toro la kharati Waakhe.

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Kolossaay 1:16

Iꞌdi tahe usu on ka Waakh walah dakkhan a soouume. Wihi serey kajiro ichoow wihi harra kajiro ichoow wihi laargo ichoow wihi liiargine iꞌdi maanta komborohi antoot ommos wihi miig khabo ommos wihi anto leh ommos wihi walah tuumman dakhti tuumman usu soouume. Kiriisto ka walah tuumman a lasoouume, toro la usu liisoouume.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Efeesso 1:8

Haagga Waakh wohoo rucchul laka ma inno karimmanne, toro la khara ichoow abannaanki inno walah abanni a inno siiche.

Rooma 8:38

An wihi an tissibo a mehe ya, walah jirtuu dakkhan ꞌdooninti Kiriisto inno ꞌdoono inno kagoocho mele. Omoot ommos jiro ommos herti Waakh ommos ginnayyo ma inno kagoochaan. Wihi toolla jiro ommos wihi sooyomboocho ommos miigti Seytaan laka ma inno kagoochaan.

Efeesso 1:23

Urura la a iꞌdi sar Kiriisto. Usú sagag tuumman ka imaala, toro la sagag tuumman ka walah tuumman ka ibuuhicha.

Kolossaay 2:10

Jeenteti atin ichoow Kiriisto ba wohoo kalday itahiin u la, walah atin laatahiin mele. Usu herti Waakh ichoow ginnayyo tuumman ichoow wihi tuummane anto khabo a iweenyahe.

Kolossaay 2:15

Iꞌdaas ka Kiriisto ginnayyohi miig ichoow anto khabo miigticho a kakhaate. Toro la massalaaba ka icho sooriche, ꞌdooꞌd ortiis ka lakhaanyo kadowe.