Efeesso 2:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Atinhi Yaꞌhuud ieheynan ichoow Kiriisto a wohoo kalday gone, Kiriisto atin ichoow Yaꞌhuud ba a atin isikeena, ꞌdee minka Waakh Rubeytiis ka igelo atin tuumman tateehiin.

Efeesso 2:22 Referans Kwoze

1 Koriinto 3:16

Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela.

1 Yoohana 4:16

ꞌDooninti Waakh inno ꞌdoono a garanna, toro la ꞌdoonintaas a kakhuufna. Waakh wihi us yeelo tuumman ꞌdoonintiissa kayeela. Eti tuummane Waakh ichoow ꞌdooꞌdi addan ꞌdoono, Waakh goytiissa fiddiya, ulla Waakh goytiissa fiddiya.

1 Yoohana 4:13

Saggi inno goytiis ikijirro ulla goyteen ikijiro a garanna, a mehe us Rubeytiisti Munyee a inno siiche.

1 Yoohana 3:24

ꞌDooꞌdi tuummane amurretiis raaho, Waakhe leefiddiya Waakh la icho leefiddiya. Rubeyti Munyeenye Waakh inno siiche ka la, saggi us inno ileefiddiyo a garanna.

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

2 Koriinto 6:16

Minki Waakhe buure ichoow iyookkoyyo saggoh isidaagaan? A mehe inno a minki Waakhe buurenye Waakkhi jiro. Iꞌdi Waakh yidah u, “An goychooda furda, goycho kaassohda. An Waakkhichooda ateehe, icho la ꞌdooꞌdaaya yateehiin.”

1 Koriinto 6:19

Atin saggi sartiin iꞌdi minki Rubeyti Munyeenye Waakh atin siiche goya fiddiito itahe ma garattaan a? Atin kiin menye, atin a ki Waakh alah.

1 Koriinto 3:9

Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.