Efeesso 2:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ A mehe Kiriisto rubeytiissa nahi yaafohi Yaꞌhuude ichoow atinhi yaafohi Yaꞌhuud ieheynan ba inno isineybiche yaaftoo kalday inno kayeele. Usú moosi goorat seley inno bahcho inno isichiiyoocho jejjebché.

Efeesso 2:14 Referans Kwoze

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Kolossaay 3:15

Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.

Efeesso 2:15

Us Kiriisto ka iꞌdane yeele, amurre Muusati alohi ittaawe khabto omoottiis ka miig tire, ꞌdee yaafoha lammacho usu ka yaaftoo kaldaye husub kayeela. Iꞌda ka lammacho isineybicha.

Kolossaay 1:20

toro Kiriisto ka walah tuumman ankiis a keene. Diig Kiriistoki massalaaba kakhubte ka, Waakh walah tuumman a ineybe, wihi serey kijiro ommos wihi harra kajiro eheetteey ka ba.

Kolossaay 2:20

Atin Kiriisto a leetumaateene toro miigti suujenye harrata a atin lakasoofure. A iꞌdoh toro saggi ꞌdooꞌdi harrata ikajirtaane amurreta iꞌdee iraahtaan?

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Hilassi Ergaano 10:36

Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.

Hilassi Ergaano 10:28

Beetero la wihi us ꞌdooꞌdaas iyidah, “Weyti a garattaane amurreteen eti Yaꞌhuude yaafohi addan kachimmamo ommos minassicho gelo a buusantahe. Iꞌdaasenyi Waakh mehe ituse ya, an et an a biꞌdir ommos a suuj adeeh mele.

Ibiraaniya 13:20

Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Ibiraaniya 7:2

Aburaaham la wihi tuummane us diho ka sookhaate meel tomon seley igooche, goonankoo Melkisedeek siiche. Magaha Melkisedeek layadeeh la a mehe ya, “Karnati wihi fissan yeelo.” Jeenteti us karnati Saleem iyahuu, magaha wihi addane us itoollo a mehe ya, “Karnati nebey dowo.”

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

Efeesso 3:15

A mehe ꞌdooꞌdiiski goobi Waakhe saraat ichoow ki harrata usu magah kaꞌhelaan.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Yoohana 11:52

Toro la Yeesso jeenteti yaaftaas kalday on ma iyamuute, iꞌdaasenyi jeenteti nyaakhuti Waakhe taasane iyamuute, ꞌdee ꞌdooꞌdi harra tuumman isikeena, wohoo kalday kayeela.

Efeesso 2:17

Kiriisto a yimiyye yaafohi Yaꞌhuude Waakh idow ichoow atinhi addane Waakh foga ileejirteen wori nebeyeet icheeke.