Efeesso 2:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Iꞌdaasenyi atinhi goorat Waakh foga ileejirteene toolla atin ichoow Yeesso Kiriisto ba wohoo kalday titaaheen, diig Kiriisto ka, Waakh a atin liisoodowwaache.

Efeesso 2:13 Referans Kwoze

Hilassi Ergaano 2:39

Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Ibiraaniya 9:18

Saggaas on u ayyinti oraate Waakh gooche ka laka, diiggi soorriyoyyoot laantiis walah lasookhabte mele.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 15:14

Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

Efeesso 2:6

Toro la wohoo kaldaye Waakh inno ichoow Yeesso Kiriisto inno kayeele ka, Kiriisto omoot a inno kaleesookahche, goobi Waakh ka komborti antoot inno kaleeorrommiche.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.