Efeesso 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Haagga Waakh wohoo rucchul laka ma inno karimmanne, toro la khara ichoow abannaanki inno walah abanni a inno siiche.

Efeesso 1:8 Referans Kwoze

Bakkaahit 5:12

Herta Waakhe ittaawe la hooyi buure ka wihi iche dowatti, “Heleenki goorat lasoorriyooche, miig ichoow kamurroon ichoow khara ichoow anto ichoow inkaanyit ichoow saaꞌdo ꞌhelin a muꞌdayyahe.”

Kolossaay 2:3

usu on kamurroonki kharati Waakh ichoow garanti Waakh lagarti dagsan lakeela.

Efeesso 3:10

Ulla wihi us kamasse, toolla urur Kiriisto ka kharati Waakhe ittaawe karnatohi ginnayyohi anto lehe meessi saraat kijiro a abcha.

Rooma 5:15

Iꞌdaasenyi siinta Waakh inno siiche iꞌdi amurreti lajebcho Aadam yeele mee. A mehe chirri ꞌdooꞌdi ittaawe amurreti lajebcho etaas kalday yeele ka tuume, haaggi Waakhe buurenye inno imunneynan ichoow siinta eta kaldaye Yeesso Kiriisto keene geeddoo meheenye ꞌdooꞌdi ittaawe ikakhubta.

Yuuda 1:25

Toro la Yeesso Kiriistohi Kamureene ka, Waakkheenki kaldaye ꞌDoorribeheene koolo ichoow kussi ichoow miig ichoow anto ba wihiissa on a yitaaheen geeddi harra liisoouumin ichoow toolla ichoow jirtuu tuummamba. Aamiin.

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

Rooma 11:33

ꞌHay! Wihi Waakh garti ichoow kharati Waakh a too geeddohe? Enenna a buure! Ayyo maanta wihi Waakh gooche ꞌdubicho bahcha? Ebba! Toro la ayyo jitiis garta? Ebba!

Mattaayo 11:19

Ínam Aadam a yimiyye, golossate, farsoti sabiib laka dame icho la mehe essaan ya, ‘ꞌDamaanki toro meleefeenye ꞌdooꞌdi kooddi goocho ichoow ki uskeel leh aal kabahsati kalla.’ Iꞌdaasenyi kharati Waakh runtiche wihi iche yeesso lakaarga.”

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.