Efeesso 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Maantaka Waakh koolinno jeenteti haaggiiski buurenye us inno siiche u. Weeliiski us weyti ꞌdoono ka haagga iꞌdaanu a inno siiche.

Efeesso 1:6 Referans Kwoze

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

Efeesso 1:12

ꞌdee weynaanti Waakh nahi Yaꞌhuudenye kolooraat Kiriisto kakhuufne koolo nah kaꞌhessa.

Fiiliffi 4:19

Waakkheey la kamurroonki weene Yeesso Kiriisto lakaꞌhelo ka, wihi buurenye atin jirotiin ka ꞌdoontaan tuumman a atin siicha.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Efeesso 1:14

Rubeyta Munyee la a ayyinti Waakhe wihi inno muꞌdannahe tusso. Waha la a maanti Waakh innohi ꞌdooꞌdiisenye toro hoolahiise ribnaanki ꞌdaꞌddaboot inno ribo. Waakh koolinno jeenteti weynaantiis u.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

2 Koriinto 4:15

Sinayyoheeyka tuumman a iroonotiinna, ꞌdee haaggi Waakhe buurenye inno imunneynan ballaasta ꞌdooꞌdi buure eleela. Iꞌda ka Waakh a lakoolicha jeenteti ꞌdooꞌdi Waakh kalaꞌd ilaabo ibuuraatuu.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Yoohana 10:17

Aabbaheey jeenteti us ani iꞌdoono, a jeenteti an jiroteey ibahcho, ꞌdee toro ꞌdaꞌddaboka an omoot ka isookaho.

Yoohana 3:35

Aabbaheen weeliis a ꞌdoona, walah tuumman la dahantiissa gesse.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Efeesso 2:7

Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.

Mattaayo 20:9

ꞌDooꞌdi hil haaggicho sahaꞌd tomon ichoow koow lakireeste ebba chilimmeti eti orrahti nool hil haaggiche laguto, lagute.