Efeesso 1:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Urura la a iꞌdi sar Kiriisto. Usú sagag tuumman ka imaala, toro la sagag tuumman ka walah tuumman ka ibuuhicha.

Efeesso 1:23 Referans Kwoze

Yoohana 1:16

Yeesso Kiriisto tuunki haaggiiski buure ka, buuhiis a inno ikasookhakkhaye.

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.

Efeesso 4:10

Usuhi sookhubte, usuhaas on serey ikore, serey ka intaas weyti kutto ikore, serey tuumman ichoow harra tuumman buuhiche.

1 Koriinto 15:28

Maanti Waakh Kiriisto antohi walah tuumman siicho, Weeli Waakh rubeytiis antohi Waakhe iliis lagessa. Waakkha la a ki Kiriisto antohi walah tuumman siiche. Iꞌda ka Waakh walah tuumman tuume iweenyahe.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Kolossaay 3:15

Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Efeesso 2:16

Toro la omootti us massalaaba kayumuy ka, Kiriisto chiiyoonki yaafoha dahcho kijire a bahche isikeene, lammacho sartoo kaldache icho yahiin ka anki Waakh keene.

1 Koriinto 12:6

Jitassi hili Waakh lakahaaggicho a yeyyeerare, iꞌdaasenyi Waakh kalday on miigti hil ba lakahaaggicho enenyet siicha.

Rooma 13:5

Maantaka, wihi lakaaꞌdoono a atihi weynaanti sirgaal afiche ikutin. Waha la jeenteti holi Waakh kalday on menye, iꞌdaasenyi uus ꞌdee rubeyoheen suujoon inno kacheekan.

Efeesso 4:4

Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.

Efeesso 3:10

Ulla wihi us kamasse, toolla urur Kiriisto ka kharati Waakhe ittaawe karnatohi ginnayyohi anto lehe meessi saraat kijiro a abcha.

Efeesso 4:13

Waha la orey on isohtaane ichoowka inno tuumman kakhuufnaanki inno Waakh kakhuufno ka ichoow Weeli Waakhe inno abanni ka wohoo kalday nateehe, ꞌdooꞌdi iiꞌdowe nateehe ichoowka geeddi Kiriisto iiꞌdowe iiꞌdowna.

Kolossaay 2:19

Us Kiriistohi matakki urur Kiriistee ma khuccho. Matakka ka, sar Kiriistoti tuummane hubno ichoow maanjeerre khucchisso a isleeweynaataan saggi Waakh iweynaachuu.