Efeesso 1:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ toro la miigtiisti wohoo liikeekkaanne innohi usu rummeysanne inno gargaarto, wihiche abattaan. Miigta ichoow ti

Efeesso 1:19 Referans Kwoze

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Efeesso 3:20

Waakh a lakoolicho giꞌde! Iꞌdi tahe Waakh miigtiisti goyteen ka hil haaggin tabuuꞌd ka, wihi inno daahne ichoow wihi inno rerreegno tuumman ꞌdirihichooda inno iyeela.

Kolossaay 2:12

Iꞌdi tahe maanti atin labaattissiye Kiriisto a atin laleehawwaale, toro miigti Waakhe Kiriisto omoot kasookahisse atin kakhuufteen ka, a atin laleesookahche.

2 Koriinto 4:7

Iꞌdaasenyi inno a iꞌdoo inno kamurroonka ꞌdiryo goya kijiro sarteen ka khabno, ꞌdee miigti miig tuumman kussan inno ma inno katamiite, Waakh katamiit.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Efeesso 6:10

Ayti ꞌdaꞌddaboot talla. Atin ichoow Kamur a wohoo kalday gone, taba miigtiisti weyti buure ka miigowa.

Efeesso 3:7

Ani siinti haaggi Waakhe buurenye miigtiis ka liisiiche, falfati Wora Haaggan itah.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Yaakoobo 1:18

Maliis ka wihi us gooche, a ki us yeediiski rummaat ka jiroti husub inno siicho. Iꞌda ka wihi us soouume tuumman goyaka, wihi us soobahsate orate nateeh.

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.

1 'Dessaloonika 1:5

Iꞌdi tahe maanti nah Wori Haaggan atin icheekne, woraas yeedi afoot kalday menye, miigti Rubeyti Munyee laka us a atin tuse. Wori Haaggane nah atin icheekne tuume rummeysanne. Toro la saggi fiddihi nah goytiin fiddiine iroonotiin ieheneet a garattaan.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Yoohana 3:6

Weeli enenyet sartiis aabbahiis ichoow abartiissa kaꞌhela, toro la rubeyti weeli enenyet, Rubeyti Munyeenye jiro kaꞌhessa.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.