Efeesso 1:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Efeesso 1:18 Referans Kwoze

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Luuka 24:45

Ulla ꞌdeerka malicho fure ꞌdee wihi Chiirnaanneti Waakh goya kachiiran a abteen.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Efeesso 3:16

Wihi an Waakh daaho, Waakh ba kamurroonkiiski ween ka, Rubeytiis ka uurassiin miigoocha,

Efeesso 4:4

Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

Ibiraaniya 10:32

Bal saggi atin dowwanohi atin Yeesso Kiriisto rummeysatteen ijirteen kasooꞌhela. Sinati buurenye atin tuhuyye, iꞌdaasenyi atin a garrahsatteen one, yombo ma inokhan.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 'Dessaloonika 5:8

Iꞌdaasenyi inno a ꞌdooꞌdi banay goya kijiro gone, isjeyinno giꞌde. Saggi eti iskareete birtiis gessate kacchiis jeychuu, inno laka kakhuufnaanki inno Kiriisto kakhuufno ichoow ꞌdooninti inno khabno gaacchaankeen a yitaaheen. Toro la khajjeeli saggi Waakh inno iribo kuubno, iꞌdi koofiyati eti iskareet matah jeyisso a inno iyitaahe.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Mattaayo 13:15

A mehe ꞌdooꞌda uurassicho a gaꞌdaale, dogohicho la a ꞌduuꞌdeene, toro la indohicho laka a ꞌduuꞌdeen. Chiꞌiche iꞌdaas ieheynan, indohicho a geeddi icho il argaane, dogo la khabaane, uurassicho la a geeddi icho walah abtaane, a geeddi icho ani isoourgiyaane anna samaacho.’

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

Ibiraaniya 6:4

A mehe ꞌdooꞌdi maantoo Kiriisto rummeysan katabe soolaabinti lasoolaabo icho uskeelicho kasoonokhtaan ma tateeh. ꞌDooꞌda runti wori Waakh a abte, wihi Waakh ꞌdooꞌd siicho la rubey ka a chanchameene, icho ichoow ꞌdooꞌdi addan la Rubeyti Munyee a isleeꞌheleen.

Kolossaay 3:15

Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Kolossaay 1:5

Wihi atin iꞌda kayeesseen la, a jeenteti atin saggi Waakh goobiis ka haaggi nool atin iabbire, atin ikhajjeessaan. Haagga Waakh la orey on daagteen, maanti atin Wori Haaggane rummaat daagteen.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

Hilassi Ergaano 16:14

Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta.

Fiiliffi 3:14

Maantaka, inti an kamassicho hol idowa, ꞌdee siinti Waakh Yeesso Kiriisto ka goobi Waakh ka iwahe ꞌhela.

Marko 10:17

Chirra Yeesso abattitiis khabaayi bahe ka, etoo sooyiriyye, ortiis ka jilbo il kaguꞌdde, wihi us worsate, “Eti weene haaggan, mehe yeelo ꞌdee jiroti jirtuu imassan ꞌhela?”

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Rooma 11:29

Iꞌdi tahe Waakh ꞌdooꞌdi us siintiis iꞌdaanu siicho ichoow ꞌdooꞌdi us waho ka maliis ma urgiyicho.

Kolossaay 1:12

Waakkhi Aabbaheene kalaꞌd ilaabtaan. A mehe us atin ꞌdooꞌdi Waakhe goobi Waakhe ababo dalho leedalhin yabuuꞌd a atin kayeele.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,