Efeesso 1:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

Efeesso 1:11 Referans Kwoze

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

1 Beetero 1:4

Toro la jirota husub ka Waakh wihi inno muꞌdane jirtuu ituumine, eloo rucchul laka ikhabine, iraagin goobi Waakh ka meel a inno igessa.

Efeesso 1:14

Rubeyta Munyee la a ayyinti Waakhe wihi inno muꞌdannahe tusso. Waha la a maanti Waakh innohi ꞌdooꞌdiisenye toro hoolahiise ribnaanki ꞌdaꞌddaboot inno ribo. Waakh koolinno jeenteti weynaantiis u.

Efeesso 3:11

Waakh wahaas iꞌdane yeele, maliiski geeddi us harra isoouumin gooche toro la Yeesso Kiriistohi Kamureene ka, wahaas buuhiche.

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

Galaatiya 3:18

A mehe chirri wihi enenyet muꞌdan amurre Muusati laraaho kanoolyahiin, kola ayyinti goorat us gooche ma kanool gon. Iꞌdaasenyi Waakh haaggiiski buure ka, ayyintaas ka Aburaaham wihi usu muꞌdan a siiche.

Ibiraaniya 6:17

Waakh ꞌdooꞌdi wihi us ayyiche dalho saggi us ayta weyti imiigooche toro la us maliis iurgiyin a tusa. Jeentetuu la Waakh wihi us ayyiche ka a daatte.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Kolossaay 1:12

Waakkhi Aabbaheene kalaꞌd ilaabtaan. A mehe us atin ꞌdooꞌdi Waakhe goobi Waakhe ababo dalho leedalhin yabuuꞌd a atin kayeele.

Kolossaay 3:24

A mehe saggi atin igarattaan u, Kamur wihi atin muꞌdan iꞌdi kalaꞌdeet u a atin guta. Kiriistohi Kamure ihila.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

Hilassi Ergaano 4:28

Wihi sooyateehe at ꞌdoonintaah ichoow miigtaah ka orey goosse yeeleen.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

Rooma 11:34

“Ayyo mali Kamur garta? Ommos ayyo Waákh waanicha?”

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

Efeesso 1:8

Haagga Waakh wohoo rucchul laka ma inno karimmanne, toro la khara ichoow abannaanki inno walah abanni a inno siiche.

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Rooma 8:29

Iꞌdi tahe Waakh uumaccho on ka ꞌdooꞌdi kiise garte, toro la ꞌhor on ꞌdooꞌdaas saggi us iꞌdi Weeliis ikayeelo gooche. Ulla iꞌdane yeele, ꞌdee Weeliis ꞌdooꞌdi ittaawenye Kiriisto rummeeste goyaka teyyan yateeh.

Rooma 8:30

Toro la ꞌdooꞌdaas us ꞌhor saggi us iꞌdi weeliis ikayeelo gooche, wahe. ꞌDooꞌdaas us wahe la ꞌdooꞌdi fiffissan iekkaache. ꞌDooꞌdaas us ꞌdooꞌdi fiffissan iekkaache la, saggi us weynaantiis ileegismo iayyiche.

Rooma 9:11

Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.