Bakkaahit 9:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Karnaticho la a herti keleyenye ankhari dahane ieleelin anatti. Magahiche la afi Ibiraaniya ka Abadoon, iche layadeeh. Afi Giriig ka la, Abooliyon, iche layadeeh. Magahenyeta a mehe ya Kheeroocha.

Bakkaahit 9:11 Referans Kwoze

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Yoohana 16:11

Mali icho khabaane saggi Waakh ꞌdooꞌdi harrata ꞌdee ihukkumo miinsan a baabul, iꞌdi tahe Waakh orey on karnati harrata uskeel igooche.

Yoohana 14:30

Geeddi deer ma atin leeyyeedo, a mehe karnati harrata a soosohtaa. Us miig ma ikakhabo,

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

1 Yoohana 4:4

Atinhi nyaakhuteeyenye an weyti ꞌdoono, atin a ki Waakhe toro ꞌdooꞌdaas a soorisseen gon. A mehe Rubeyti Munyeenye goytiin kijirto, Seytaanki harrata kijiro a kussantahe.

Yoohana 12:31

Ibeenki Waakh ꞌdooꞌdi harrata hukkumo kola a yitah. Waakh toolla karnati harrata a riha.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Luuka 8:31

Ginnayyo la inonnokhteene Yeesso hawwaasteen, uus ankhari dahane ieleelin iergine.

Yoohana 5:2

Ilkerengeetti Yeerusaleem ka, meessi, “Aritti iiyyaat,” layadeeh hagga ka, geꞌdintoo gaayim chan khabto a jirta. Afi Ibiraaniya ka magahiche, “Bessaaꞌda,” iche layadeeh.

Bakkaahit 16:16

Ginnayyoha ꞌdeerka karnatoha meessi afi Ibiraaniya ka Harmageedo layadeeh ka isikeeneen.