Bakkaahit 7:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Icho jirtuu toro ma ankayaane, jirtuu toro ma subgaataan. Orrah ommos kuleeli uskul, sarticho ma gubo.

Bakkaahit 7:16 Referans Kwoze

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Bakkaahit 21:4

Waakh la indohicho ka ilmohicho tuumman a hiyyaaya. Kola omoote ma jirto, enenyet looyo mele, oytime ma jirto, bolokh laka ma jiro. Iꞌdi tahe wahanyeyyohi oraat a kuteen.”

Mattaayo 5:6

ꞌDooꞌdi Waakh imaalo, a ki fissanoon iankayo toro isubgaati, Waakh icho a dargichaa.

Luuka 6:21

ꞌDooꞌdi Waakh imaalo, a atinhi toolla raarah khabtaan, iꞌdi tahe a atin ladargichaa! ꞌDooꞌdi Waakh imaalo, a atinhi toolla ooytaan, iꞌdi tahe a atin lahamaadichaa.

Luuka 1:53

ꞌDooꞌdi raarahte wihi hahhaaggan ka dargiche, iꞌdaasenyi kamurre dahano marah rihe.

Mattaayo 13:6

Iꞌdaasenyi chiꞌ orrahe soobahte ka, orrahe geeyohaas soobahe gubte. Hiiyyaye laa yihiin gone angageen.

Yaakoobo 1:11

A mehe orrahe kuleeli walah gubto leesookorta, geey angagissa, fiikhe la khubatta, haaggiche la ibaaba. Saggaas on eti kamure laka hiliis haaggichaayi baaba.

Marko 4:17

Iꞌdaasenyi hiiyyay icho khabaan mele, mujjum ma tolossataan. Maanti jeenteti Yeedi Waakh u sinatoo isoobahte ommos sina loomhiche, dowwa on soodihaan.

Marko 4:6

Iꞌdaasenyi chiꞌ orrahe soobahte ka, orrahe geeyohaas soobahe gubte. Hiiyyaye laa yihiin gone, angageen.

Mattaayo 13:21

Iꞌdaasenyi hiiyyay us khabo mele, mujjum ma tolossati. Maanti jeenteti Yeedi Waakh u sinatoo isoobahte ommos sina loomhiche dowwa on soodiha.