Bakkaahit 6:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ani yeye, orteey ka faraꞌdoo dakhan arge. Eti faraꞌd fuulo la bihine khuccha, toro ꞌduubi antoote lasiiche. Ulla iꞌdi eti chiiytiis soorichuu, bahe ꞌdee chiiytiis sooricha.

Bakkaahit 6:2 Referans Kwoze

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Bakkaahit 14:14

Ani la yeye orteey ka mirisoo dakhan arge, toro la etoo Ínam Aadam iyoog usuhi mirisaas kafiddiyo arge. Ulla ꞌduubi ꞌdahabe matakkiis kakhaba, warhanti gurnaan lakagoocho la dahane kakhuccha.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 15:2

Anna wohoo beytoo buurenye kitaab iyooge ꞌdab lakawarse arge. ꞌDooꞌdi goorat binahi oraat ichoow iyookkoti binahane lahaaggiche sooriche toro ayti magahiis itolosso sooriche ichohi beytaas garabiche toollo arge. Reemassi chiꞌ geeyo ladowo laguꞌddo ꞌhaab layadeehe Waakh icho siiche iche khuccheene,

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

1 Koriinto 15:25

A mehe wihi Waakh gooche, a Kiriistohi karnatenye walah dakhti ichoowka Waakh chiiytiis tuumman dahantiis gesso.

Bakkaahit 19:14

Kiyati ittaawenye goobi Waakhe faraꞌddi daddakhan fuusso la ꞌdubiissa raahta. Kiyata la darfohi hahhaaggane daddakhane chaafo laa iche khabta.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Bakkaahit 9:7

Gubaalleta faraꞌddi diho liitannabiche iyoogtahe. Matahenyeticho ka wohoo ꞌduubassi ꞌdahab iyooge khabaane, toro la foolassicho fooli enenyete iyoogyahiin.