Bakkaahit 3:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Bakkaahit 3:21 Referans Kwoze

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Mattaayo 19:28

Yeesso la wihi us icho iyidah, “Rume atin icheeka, maanti Waakh walah tuumman husubnaacho, Ínam Aadam kombortiisti antoote ababto koorronti, atinhi isooraahteen laka komborohi antoote tomon ichoow lammeenye koorrommattaane, yaafoheenki Issiraayele tomon ichoow lammee anattaan.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Luuka 22:30

Atin la ꞌdee goobeey ka ileegolossattaane, komborohi antoot koorromattaane, yaafoheenki Issiraayele tomon ichoow lammee anattaan.”

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 1:6

Toro la karnat ichoow kuhaaniyyohi usu harra leedakhti toro la Waakkhi Aabbahiise ihilo inno kayeele. Us ba lakoolicha, miigtiis la laarga jirtuu tuummamba. Aamiin.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

Bakkaahit 6:2

Ani yeye, orteey ka faraꞌdoo dakhan arge. Eti faraꞌd fuulo la bihine khuccha, toro ꞌduubi antoote lasiiche. Ulla iꞌdi eti chiiytiis soorichuu, bahe ꞌdee chiiytiis sooricha.

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Bakkaahit 5:10

At la icho karnato ichoow kuhaaniyyohi usu harra leedakhti toro la Waakkhi Aabbaheene ihilo kayeesse, icho la berri harra a dakhtaan.”

Bakkaahit 20:6

ꞌDooꞌdi Waakh imaalo toro la munyee a ki ꞌdooꞌdi oraate Waakh omoot kasookahcho goya kijiro. Omootti lammaatteet icho anto ma kakhabto, iꞌdaasenyi Waakh ichoow Kiriisto ortiis ka kuhaaniyyohi hili Waakh haaggicho yateehiin. Icho la guꞌh alifoo Kiriisto harra leedakhtaan.

Yoohana 13:32

Anna chirri an saggi Waakh iweenyahe ꞌdooꞌd tuse, Waakh laka saggi Ínam Aadam iweenyahe ꞌdooꞌde tusa, toro la dowwa tusa.