Bakkaahit 3:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.

Bakkaahit 3:19 Referans Kwoze

1 Koriinto 11:32

Chirra Kamur inno hukkumo a inno sookhuncha, uus ꞌdee iꞌdi ꞌdooꞌdi wahanyeyyohi harratane sussuuje raahuu uskeel inno liigoonne.

Bakkaahit 2:5

Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.

2 Koriinto 7:11

Bal wihi oytintaas saggi Waakh iꞌdoono liiooyo atin ikeento yeya. Saggi atin uskeel iyeeline tusseene, wihi yitah ka hollowteene, wihi soosohti ka la roorro atin gesse. Atinhi iagartaane ꞌdoonteen, atinhi ani igessaane etaas uskeel yeele hukkuntaan iche ꞌdoonteen. Wahaas tuumman ka saggi atin wihi yitah ka eloo rucchul laka ikhabine tusseen.

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Rooma 12:11

Hiliin ka ꞌdooꞌdi seyꞌhooti iitaahana. Rubeyohiin ka hili Kamur tuum gela.

2 Koriinto 6:9

Rumanka a nah lagarta iꞌdaasenyi saggi ꞌdooꞌdi liigaranne nah liiwoywoya. Omoot laka a nah lamarma, iꞌdaasenyi uliba a jirra on. Weyti nah lajahe iꞌdaasenyi ma namuut.

Yoohana 2:17

Abattitiis waha chiiran kasooꞌhesse, “Kamuraaw, ꞌdooninti an minkaah ꞌdoono, weyti buurtahe ichoowka a ikhaatta laka.”

Galaatiya 4:18

Weyti haaggantahe chirri wohoo laꞌdoono, chiꞌ wihi at ꞌdoonto on haagganyahiin. Toro la kol dakkhan waha a rum chaꞌan atin leejiro kalday on menye.

Mattaayo 25:7

“Albe ꞌdeerka kahe, tooba taahiche sookorisse.