Bakkaahit 22:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Falohi Waakh kola ilkerengeet goya ma kijiraan. Komborti antoote Waakh ichoow Heleem leeyahiin ilkerengeet goya kajirta, falfayyohi Waakh la intaase Waakh ikahilaan.

Bakkaahit 22:3 Referans Kwoze

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 14:3

Chirri an irde meel atin iyeele la, a soonokhda, meesseey atin geecha, ꞌdee inti an kajiro, atin laka kajirtaan.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Bakkaahit 7:9

Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.

Bakkaahit 7:10

Icho la hooyi buure ka riireene, wihi icho yidaaheen, “Waakkheenki komborti antoot kafiddiyo ichoow Heleem, ribnaanki inno laribo icho on leh.”

Yoohana 13:32

Anna chirri an saggi Waakh iweenyahe ꞌdooꞌd tuse, Waakh laka saggi Ínam Aadam iweenyahe ꞌdooꞌde tusa, toro la dowwa tusa.