Bakkaahit 22:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Yeessohi Kamure ba ꞌdooꞌdi Waakh tuumman imaala. Aamiin.

Bakkaahit 22:21 Referans Kwoze

2 'Dessaloonika 3:18

Yeesso Kiriistohi Kamureene ba atin tuumman atin imaala.

Rooma 16:20

Waakkhi nebey tuumman leh Seytaan a baabiicha, ulla luhlohiin ilicho ka yabta. Yeesso Kiriistohi Kamureene ba atin imaala.

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

Bakkaahit 1:2

Yoohana la wihi us arge tuummane cheeke. Yeedi Waakh ichoow runti Yeesso Kiriisto usu tuse iche chiire.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”