Bakkaahit 22:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Hawta la jiti buurenye ilkerengeet dah kagoocho, iche tabta. ꞌDollohiche lammache la geeyoo jiro lakeelo, guꞌh ka gurnaan tomon ichoow lamma delo, hay ka delo, a katoolla. Seebi geeya la yaafo samaacha.

Bakkaahit 22:2 Referans Kwoze

Bakkaahit 22:1

ꞌDeerka herti Waakh hawti ꞌdusso bicchehiche jiro lakeelo, bicchehiche weyti warraakhyahiin itusse. Hawta la komborti antoote Waakh ichoow Heleem leeyahiine katamiit.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Bakkaahit 22:19

Chiꞌ etoo buugga eti Waákh íyeyyeedo chiire yeedassoo kabahche la, Waakh rubeytiis etaas gisiiski gurnaanki geeyi jiro lakaꞌhelo a kakhaata toro ilkerengeetti weene lagan goya gelin a tirta. Wahanyeyyoha tuumman buugga ka a ladowdowe.

Bakkaahit 21:24

Yaafo tuumman la banayhaase goya kaassohtaan. Karnatohi harra tuumman laka kamurroonkicho intane keenaan.

Bakkaahit 21:21

Artohi tomon ichoow lammee tooba daakkoo weyti gato miigenye lakahaaggiche. Jiti ilkerengeetta ween dah kagoocho la a ꞌdahabi massane iꞌdi kiyoowhi bildiikhee.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.