Bakkaahit 22:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Bakkaahit 22:14 Referans Kwoze

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

Bakkaahit 22:7

Yeesso wihi us essi kallaayo, “Nabah suda! An dowwanoha ka a amiit! Ani eti tuummane yeedassi buugga kachiirane eti Waákh íyeyyeedo chiire raaho a imaala.”

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.

Yoohana 14:15

“Chirri atin iꞌdoontaan, amuri an atin siiche a raahtaan.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

1 Koriinto 7:19

Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto.

Bakkaahit 22:2

Hawta la jiti buurenye ilkerengeet dah kagoocho, iche tabta. ꞌDollohiche lammache la geeyoo jiro lakeelo, guꞌh ka gurnaan tomon ichoow lamma delo, hay ka delo, a katoolla. Seebi geeya la yaafo samaacha.

Yoohana 10:7

Maantaka Yeesso toro wihi us yidah, “Rume atin icheeka, ani a iꞌdi aritti sunki iiyyaat.

Yoohana 10:9

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Bakkaahit 21:12

Ilkerengeetta la khaari daddaaboote serey ka weyti deere kamarsan. Toro ilkerengeetta arit tomon ichoow lamma khabta, arite ba la hertoo Waakhe tolossa. Arite ba magahoo yaafohi tomon ichoow lammeenye Issiraayele kachiiran.

1 Koriinto 9:5

Nah iꞌdi ergaanoti addan u ichoow iꞌdi walaalinye Kamureen ichoow Keefas illeh u, deyyehoteenyoti too Kiriisteenye nah walhisso ma muꞌdan a?

1 Koriinto 8:9

Iꞌdaasenyi atinhi wihi atin tamhiin seley bihin tabuuꞌdiin, yuubsada giꞌde ꞌdooꞌdi ꞌdabakhe daakki tarraantarricho iitaahana.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 4:12

Toro la, at aacchiheenyoki Yaakoobo layadeehe nah worta kaꞌhelle a kaweentahe? Usu rubeytiis ichoow yeeletiis ichoow hoolahiis tuummamba worta on yubhaabeen.”