Bakkaahit 21:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Ulla wihi us ani iyidah, “Walah dakkhan a layeele! Ani Uumaccheenye toro ani on ꞌDaꞌddabee. An walah tuumman orcho a jire, walah tuumman ꞌdubicho laka a jira. Eti subgaate, an iꞌdaanu bicchehi issi jiro kayamiit siicha.

Bakkaahit 21:6 Referans Kwoze

Yoohana 4:10

Yeesso wihi us iche ilaabe, “Wihi Waakh enenyet siin ꞌdoono garatte ka, ommos anihi bicche kidaaho eti an ahe garatte ka, kootte ati ani bicche idaahta, ani la bicchehi enenyet jiro keelo kisiicha.”

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Bakkaahit 22:17

Rubeyti Waakh ichoow nyarnyaar ba wihi icho Yeesso idowaan, “Amiit!” Eti tuummane wora daage laka Yeesso, “Amiit!” a iyidaahe giꞌde. Eti tuummane sugub khabo a yimaate. Eti tuummane ꞌdoono la, biccheha jiro lakaꞌhelo iꞌdaanu enenyet lasiicho a yubhaabe.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Rooma 3:24

Iꞌdaasenyi Waakh jeenteti haaggiiski buurenye inno imunneynan u enenyet iꞌdaanu ꞌdooꞌdi ortiis ka fiffissan iekkaacha. Jiti us iꞌda kayeele la a ki us Yeesso Kiriisto ka inno gatte.

Bakkaahit 22:13

Ani Uumaccheenye toro ꞌDaꞌddabee, ani Oreyenye toro la Salaahime, an walah tuumman orcho a jire, toro walah tuumman ꞌdubicho a jira.”

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 1:17

Chirri an usu arge ka, an iꞌdi eti yumuy u, ortiis kasoodihe. Ulla dahantiisti miigeet ikorche, wihi us iyidah, “Roorro akhabin. Ani Oreyenye toro ani Salaahime.

1 Koriinto 2:12

Inno rubeyti ꞌdooꞌdi wahanyeyyohi harratane sussuuje raaho ma ꞌheline, Rubeyti Waakh katamiite ꞌhelle, ꞌdee wihi Waakh iꞌdaanu inno siiche abanna.

Bakkaahit 10:6

Magahi Waakkhi jirtuu tuumman jiro, sereyta daayan ichoow harra ichoow bey ichoow wihi tuummane goya kijiro soouume kadaatatte, mehe tidah ya, “Waakh kola wihi goorat us yeelin gooche ka ma malmalo.

1 Koriinto 3:12

Chirri etoo daddaaboha ilaat sarcho ꞌdahab ommos lahaag ommos dagahti gato miige, ommos khoꞌdoomme ommos hoos ommos meydah kadiso,

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

1 Koriinto 3:21

ꞌDeerka, “An a abatti ebel,” eelanna eeylajina. Iꞌdi tahe walah tuumman a wihiinna,

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

Yoohana 4:11

Makhaabale la wihi iche itidah, “Eti ween, wore a hoge, at la wihi bicche lakasoogesso ma khabto. Biccheha jiro lakeelo intoh kaꞌhessa?

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.