Bakkaahit 21:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Waakh la indohicho ka ilmohicho tuumman a hiyyaaya. Kola omoote ma jirto, enenyet looyo mele, oytime ma jirto, bolokh laka ma jiro. Iꞌdi tahe wahanyeyyohi oraat a kuteen.”

Bakkaahit 21:4 Referans Kwoze

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

1 Koriinto 15:26

Chiiytanki ꞌdaꞌddaboote us baabiicho a omoot.

1 Yoohana 2:17

Harrata suuje ichoow suujoonkicheki liimoono a kutaane, iꞌdaasenyi eti wihi Waakh ꞌdoono yeelo, jirtuu tuumman a jira.

Mattaayo 24:35

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

Bakkaahit 21:1

ꞌDeerka sereyti daayane husub ichoow harrati husub arge. Iꞌdi tahe harrati oraat ichoow sereyti daayane oraat tuummamba a kuteen. Walah beyenye kola jiro mele.

Bakkaahit 20:14

Waakh ꞌdeerka omoot ichoow meessi omooteet ba beyti ꞌdab goya iseye. Beyta ꞌdab a omootti lammaatteet.

Bakkaahit 22:3

Falohi Waakh kola ilkerengeet goya ma kijiraan. Komborti antoote Waakh ichoow Heleem leeyahiin ilkerengeet goya kajirta, falfayyohi Waakh la intaase Waakh ikahilaan.

2 Beetero 3:10

Iꞌdaasenyi ibeenki Kamur iꞌdi eti walah hato iyamiit. Maantaas la sereyta daayan saggi uskule iyeedda, baabaata. Wahanyeyyohi sereyta kajiro tuumman la a gubtaane bar waayaan. Toro la harra ichoow wihi harra kajiro tuumman laka a laguba.

1 Koriinto 7:31

ꞌDooꞌdi wahanyeyyohi harrata on kaassohti la, iꞌdi ꞌdooꞌdi ikaassohan a ijiro. Iꞌdi tahe harrata saggi iche toolla ijirto ka, dowwanoha a kutta.

2 Koriinto 6:17

“Maantaka kaaleya goycho kasoobaha, kasoogowa, iche Kamur essa. Wihi biꞌdire aꞌdaarina, anna a atin khaaddaa.”

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Ibiraaniya 12:27

Yeeda, “Koloo kalday toro,” essi saggi wihi Waakh haaggiche harrata kijiro liikorkokicho, liibahcho, ꞌdee wihi jirtuu tuumman jiro kaldach on isooꞌhadaane tusa.

Bakkaahit 20:13

Beye ꞌdooꞌdi tuume goyahiche kijire sooꞌdiisse. Omoot ichoow meessi omooteet la ꞌdooꞌdi tuume goyahicho kijiro sooꞌdiicheene, Waakh la ebba hukkume. Hukkunka ichoow wihi goorat icho yeeleen ba a israahaan.