Bakkaahit 21:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Ilkerengeet goyaka minki Waakhe buure ma argin, iꞌdi tahe Kamuri Waakhenye Miig Tuumman Leh ichoow Heleeme minki Waakhe buurenye ilkerengeetete.

Bakkaahit 21:22 Referans Kwoze

Yoohana 4:23

Ibeen a yamiite toro la kola a yitah. Ibeenki Rubeyti Waakh ꞌdooꞌd woyto, ꞌdee ꞌdooꞌd Waakh saggi rumanka us iyahe iwahti. Aabbaheey la ꞌdooꞌdi usú saggaas iwahti iche yowta.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 16:7

Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Kolossaay 2:9

A mehe tuunki Waakh sarti enenyete Kiriisto kayaal.

Yoohana 4:21

Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 11:17

wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 4:8

Wahanyeyyoha affarenye lasoouume rubey khabo, kooba barbar lihe khaba. Indo la sar tuumman ichoow barbarre iliche ka laka a kakhabaan. Icho la maalim ichoow ibeen ba koloo kalday laka ma nasaane, Waakh on saaꞌdaane, wihi icho essaan, “Kamuri Waakhenye Miig Tuumman Leh, at a munya, at a munya, at a munya! At a Waakkhi goorat tuumman jire, toolla jiro, jirtuu tuumman la soojiro.”

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

Yoohana 10:30

Ani ichoow Aabbaheey a koo kalday.”

Bakkaahit 19:15

Afiis la birlabi af lehe us yaafo kabaabiicho kasoobaha. “Ulla wussi gaꞌdaar ka icho a dakhta.” Gurnaanki sabiibe inti gurnaan lakayabti kijiro a yabta. Waha la holi Waakkhi Miig Tuumman Lehe itoollaan.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Mattaayo 24:2

Ulla wihi us iyidah, “Wahanyeyyoha tuumman yeya! Rume atin icheeka, berri daddaabtoo kaldaye ti addan fuusso lakatabo mele, icho tuumman a lasookhuba.”

Bakkaahit 7:15

Maantaka, “icho komborti Waakhe antoote ortiis toollaane, maalim ichoow ibeen minkiiski buure ka usu ihilaan. Waakkhi kombor kafiddiyo la eematiis ka icho a ogooga.

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Yoohana 13:32

Anna chirri an saggi Waakh iweenyahe ꞌdooꞌd tuse, Waakh laka saggi Ínam Aadam iweenyahe ꞌdooꞌde tusa, toro la dowwa tusa.