Bakkaahit 21:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Herta Waakh toro khaari ilkerengeet kamarsan rerreegte, yobbo ka a mitta tomon lih ichoow lih. Herta Waakh la saggi enenyet walah irerreego on irerreegta.

Bakkaahit 21:17 Referans Kwoze

Bakkaahit 13:18

Ayta khara ꞌdoonta. Chiꞌ etoo khara yahe, ayti sumatti binahaas a ekkaacho. A mehe magahi weeli enenyete itolossa. Sumatti aytiis, a kud lih ichoow tomon lih ichoow lih.

Bakkaahit 7:4

Ani la tiri ꞌdooꞌdi sumat lagesse a daage, a et alif kudoo ichoow alif tomon affar ichoow alif affarenye yaafohi Issiraayel tuumman kayimiy.

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 21:16

Ilkerengeetta la ꞌdollohiche tuumman a ekka. Iche la wussa ilkerengeet karerreegte. Ballaaddihiche a kiilomitta alif lamma ichoow kud lamma, segdeerru ka laka a kiilomitta alif lamma ichoow kud lamma. Deeraantiche ichoow segdeerruhiche ichoow ballaaddihiche a ekka.