Bakkaahit 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Atin a garrahsatteene, jeenteteey u, sinayyo tuumman ka samacchaar on eheete, ajjibaat ma khaatin.

Bakkaahit 2:3 Referans Kwoze

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Galaatiya 6:9

Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

Kolossaay 1:11

Toro la Waakh ba miigtiisti miig tuumman kussan ka atin miigoocha, ꞌdee walahbaaw atin isoobahe ka ꞌdooꞌdi samacchaare tateehiine, garrahsattaan. Toro la hamaadi buure ka,

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

1 Koriinto 13:7

Us walah tuumman a siꞌda, walah tuumman kakhuufa, walah tuumman ka khajjeel a khaba, kol dakkhan la a garrahsata.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Ibiraaniya 6:15

Aburaaham la geeddi deer garrahsi ka Waakh a kakhuufe, wihi goorat Waakh iayyiche ꞌdaꞌddaboka ꞌhele.

Ibiraaniya 6:12

Iꞌda ka la wihi Waakh miinsan ka ma seyꞌhoottaane, iꞌdaasenyi dabati ꞌdooꞌdi samacchaar ichoow kakhuufnaanki icho Waakh kakhuufaan ka wihi Waakh ayyiche muꞌdane raahtaan.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

2 'Dessaloonika 3:13

Iꞌdaasenyi ꞌdooꞌd Kiriistokaaw, atin la taba haaggi atin yeessaan akakurmina.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Rooma 8:25

Chirri inno wohoo inno iꞌhelin khajjeel kakhabno la, inno a garrahsanna, wahaas sugna.

Luuka 14:27

Eti tuummane massalaabatiis isiꞌdine, sina iumhane ani isooraahin, abattiteey itaahan ma yabuuꞌd.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

2 Beetero 1:6

Abannaan la isjeyin kakhaya, isjeyin la garrahsi kakhaya, garrahsi la jiroti Waakh kahamaado kakhaya.

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.

2 Koriinto 5:9

Maantaka sarta ka jiro khabneey ommos ma khabineey ka ba wihi nah ꞌdoonno tuumman, a nahi usu on kahamaadinno.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Luuka 18:1

Yeesso toro abattitiis mammahtoo saggi icho kol dakkhan iweestaane toro icho weysi ka igarrahsataan tusso ibahche,

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Ibiraaniya 13:13

Maantaka inno laka Yeesso uram khariche ka iiranni, lakhaanyoti usu lakadowe, inno laka a inno lakadowo.

1 Timooti 5:17

Ewweenki urur Kiriisto woyo urur mujjum dakhti a imasse chiꞌ liinkaanyito kalaꞌd laguto, kach ka la ewweenki Yeedi Waakh cheeko enenyet walah abcho wahaas a liiyeelo.

2 'Dessaloonika 3:8

Ommos et iꞌdaanu nah goolliche mele, maalim ichoow ibeen ba hile haaggine, hol downe, saggoo ꞌdee nah etiinkoo kalday laka huleesoo addan ikorin yeelle.

2 'Dessaloonika 3:5

Kamur ba uurassiin woya, ꞌdooninti Waakh atin ꞌdoono geeddiche ichoow garrahsihi Kiriisto lakeelo tuum abattaan.

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.

Fiiliffi 2:16

geeddi atin yeedi jiroti rummaat lakaꞌhelo ꞌdooꞌd icheektaan. Ibeenki Kiriisto soonokhti ani a atin keeylajo, hili geeddi an abuuꞌd tuumman an haaggiche uus ki ilmarhaatteet eheynan.

Galaatiya 6:2

Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

2 Koriinto 10:15

Toro la nah hili etoo addan haaggiche ma keeylajno, geeddi nah liichiire ꞌdirihiche ma kunno. Wihi nah khajjeello, geeddi kakhuufnaanki atin Kamur kakhuuftaan kakhaymo, hili nah goytiin ka haagginno weyti ballaasta.

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Rooma 16:12

Tirafeenna ichoow Tirafoossa bariiticha. Deyyehota weyti Kiriisto hol idowta. Beersiti weyti aaleeyenye hili buure Kamur ihaaggisse bariitoteey eleelicha.

Luuka 21:19

Inkoo atin garrahsatteen ka jiroti rummaat ꞌhessaan.”

Marko 15:21

Etoo ilkerengeetti Kureene Siimon layadeehe gosiis kayimiyye intaas leeyimiy massalaaba Yeesso sinnaan ihosseen. Siimonha la a aabba Alekisaanda ichoow Ruufo.

1 'Dessaloonika 5:12

ꞌDooꞌd Kiriistokaaw, a atin daahnee, taba ꞌdooꞌdi Kamur ka goytiin ka hol dowo atin itoollo atin waanicho inkaanyita.

1 Koriinto 16:16

ꞌdooꞌdi iꞌdaase ichoow ki addane hil leehaaggicho aficho akutina.

Luuka 5:5

Siimon wihi us Yeesso ilaabe “Eti ween, nah ibeenki noole hol downe, bahag nah khabanne la mele. Iꞌdaasenyi jeenteti at iꞌdaas itidah u, oroohti bahag lakakhabti bey goya a kalugꞌda on gon.”