Bakkaahit 2:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, gololoo Waakh kayamiite dagsane manna layadeehe siicha. Toro la daakkoo dakhane magahoo husub kachiiranyahe, eti ꞌhelo kalday on garti, iche siicha.

Bakkaahit 2:17 Referans Kwoze

Bakkaahit 2:11

Eti dogo khabo, wihi Rubeyti Waakh ururre Kiriisto idowto a daago giꞌde. Eti tuummane sooricho la, omootti lammaatteet iꞌdaaru laka ma gaameerto.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 3:22

Eti dogo khabo wihi Rubeyti Waakh ururre Kiriisto idowto a daago giꞌde.”

Bakkaahit 3:6

Eti dogo khabo, wihi Rubeyti Waakh ururre Kiriisto idowto a daago giꞌde.

Kolossaay 3:3

Iꞌdi tahe atin a tuunteene, toolla la jirotiin ichoow Kiriisto ba Waakh goya kadagsanyahiin.

1 Koriinto 2:14

Eti tuummane Rubeyti Waakh ikhabin, wihi Rubeyti Waakh kayimiy ma khaatti, a mehe usu ka waha a ꞌdalammoon on. Toro wahanyeyyoha aban ma yabuuꞌd a mehe Rubeyti Munyeenye gargaarto ma khabo gon.

Mattaayo 13:11

Yeesso la wihi us ilaabe, “Waakh garanti wihi dagsane dakhi goobi Waakh miinsan lagarti a atin siiche. Iꞌdaasenyi ꞌdooꞌdi addan iꞌdaas mee.

Yoohana 4:32

Iꞌdaasenyi wihi us ilaabe, “An gololi atin wihiiskoo rucchul laka igaran a khaba.”

Bakkaahit 19:16

Kabuuꞌdiis ichoow togooggiis magahane kachiiran, Karnati karnato kussan ichoow Kamuri kamurre kussan.