Bakkaahit 16:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ A mehe icho diiggi ꞌdooꞌdaah ichoow ꞌdooꞌdi kiyeyyeedo harra ikhubeene, at la diiggi icho damaane siisse. Waha a wihi rumanka icho imale.”

Bakkaahit 16:6 Referans Kwoze

Bakkaahit 11:18

Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 18:24

Diiggi ꞌdooꞌdi Waákh íyeyyeedo ichoow diiggi ꞌdooꞌdi Waakh ichoow ꞌdooꞌdi harra ka labakkiche tuumman goyticheeda lakeele.”

Bakkaahit 13:15

Waakh binaha lammaatteet miigti us iyookkota binahi oraat iyoog neebsi kaafuufo us jiro siicho siiche, ꞌdee iché iyeyyeedin tabuuꞌde, toro la ꞌdooꞌdi iyookko wahan ꞌdiiꞌdo labakkicha.

Bakkaahit 19:2

A mehe hukkunkaahki ittaawe a rume toro a fissanyahe. Ati malaayati weene, ꞌdooꞌdi harra tuumman sohoꞌddarri ka uskeel kaluguꞌdde, sina a igoosse. At la diiggi falfayyohaahki iche bakkisse, aál a kagutatte.”

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Ibiraaniya 10:29

Eheet a, eti Weeli Waakh daddabho la mehe imale? Eti diiggi ayyinti Waakh gooche enenyet munyaacho wohoo biꞌdire ikhaato mehe imale? Toro la eti Rubeyti Munyeenye haaggi Waakhe buure inno siisso abaare mehe imale? Sinati eta imasse Waakh igoocho, buur ka geeddoo meheenye kakhayanta?

Mattaayo 7:2

A mehe saggaas atin enenyet ihukkuntaan saggaase atin laka Waakh atin ihukkuma. Geeddi atin ꞌdooꞌdi addan iyeessaan, geeddaase atin liiyeela.

Luuka 12:48

Iꞌdaasenyi ilbooyi wihi kamuriis usuhi yeelo ꞌdoono igaranne khufe, kolassoo rucchule lajaha. Eti tuummane wihi buure lasiiche la, wihi buurenye lakasuga, eti wihi weyti buure dahan lagesse la wihi weyti buurenye lakasuga.