Bakkaahit 15:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Herti Waakhe teebeenye sinayyohi teebee khabto la minki Waakhe buure goya kasoobahte. Icho la gaaddi daddakhane bibbildiikhto khabaane, saabi dafareete duhiis la ki ꞌdahab yahe kach kakhabaan.

Bakkaahit 15:6 Referans Kwoze

Bakkaahit 1:13

Reemassa dahcho ka, etoo “Ínam Aadam iyooge,” toolla. Eta la kabuuꞌdoo deere ꞌdaꞌddabbe eleelo khaba, kacchiis ka la saabi ꞌdahabe khaba.

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

Bakkaahit 14:15

Hertoo Waakhe addan ꞌdeerka minki Waakhe buure goya kasoobahte, weyti riirte, eti miris kafiddiyo wihi iche itidah, “Warhantaahti gurnaan lakagoocho khaate, gurnaan soogooy, iꞌdi tahe wihi harra ka lasoosuuno a bissateene, kola la sahaꞌddi lasoosuuno a titah.”

Luuka 24:4

Waha ka ngꞌaayaani chirraas on et lamma darfohi iꞌdi ankhad u ababo khabto garabicho tolossateen.

Bakkaahit 14:17

Hertoo Waakhe addan goobi Waakh ka minki Waakhe buure kasoobahte, iche laka warhanti af lehe gurnaan lakagoocho khabte.

Bakkaahit 19:8

Iche la gaaddi hahhaaggane bibbildiikhto chaafotoo rucchul laka ikhabine, iche gessatti a lasiiche.” Gaadda la wihi fissane ꞌdooꞌdi Waakh yeele itolossa.