Bakkaahit 14:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Eti miris kafiddiyo warhantiisti gurnaan lakagoocho harra sarche kamoroogiche, harra tuumman iꞌdi gurnaan u soosuune.

Bakkaahit 14:16 Referans Kwoze

Bakkaahit 14:19

Herti Waakh warhanticheti gurnaan lakagoocho harra kamoroogisse, gurnaanki sabiib soogurte, meessi buurenye gurnaanki sabiib lakayabti goya kachibte. Meessa la a iꞌdi sinati Waakh holiis ka ꞌdooꞌdi uskeel leh omhicho.

Bakkaahit 14:14

Ani la yeye orteey ka mirisoo dakhan arge, toro la etoo Ínam Aadam iyoog usuhi mirisaas kafiddiyo arge. Ulla ꞌduubi ꞌdahabe matakkiis kakhaba, warhanti gurnaan lakagoocho la dahane kakhuccha.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Bakkaahit 14:15

Hertoo Waakhe addan ꞌdeerka minki Waakhe buure goya kasoobahte, weyti riirte, eti miris kafiddiyo wihi iche itidah, “Warhantaahti gurnaan lakagoocho khaate, gurnaan soogooy, iꞌdi tahe wihi harra ka lasoosuuno a bissateene, kola la sahaꞌddi lasoosuuno a titah.”

Bakkaahit 14:17

Hertoo Waakhe addan goobi Waakh ka minki Waakhe buure kasoobahte, iche laka warhanti af lehe gurnaan lakagoocho khabte.