Bakkaahit 13:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 13:8 Referans Kwoze

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Mattaayo 25:34

“Karnat ꞌdeerka wihi us ꞌdooꞌdi ankiiski miigeet toollo iyadeeh, ‘Kaaleya, atinhi Aabbaheey atin imaale, goobi Waakhe atin liiabbire, uus harra lasoouume atin muꞌdantahiin gela.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.

Bakkaahit 3:5

Eti tuummane sooricho la, iꞌdaasu gaaddi dakhane sar lakorcha. Ani magahiis buuggi magahenyeti ꞌdooꞌdi jiroti jirtuu imassan khabo, kachiiranyahe goya ma kabahcho. Ani Aabbaheey ichoow herti Waakh orcho ka saggi us eteey iyahe a cheeka.

Tiito 1:2

Wora rummaat ichoow kakhuufnaankaas la khajjeeli saggi icho jiroti jirtuu imassanne goorat Waakkhi been igoon geeddi harra liisoouumin iayyiche ikhabaane siicha.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

Bakkaahit 5:12

Herta Waakhe ittaawe la hooyi buure ka wihi iche dowatti, “Heleenki goorat lasoorriyooche, miig ichoow kamurroon ichoow khara ichoow anto ichoow inkaanyit ichoow saaꞌdo ꞌhelin a muꞌdayyahe.”

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Fiiliffi 4:3

Atihi wahalheeyenye lakaakhuufo, deyyehota weyti hol ileedowte, Wori Haaggan ileecheekte a kidaahe gargaar. Toro la Kileement ichoow ꞌdooꞌdi addane tuummane Wori Haaggan ileecheeke, magahenyeticho buuggi ꞌdooꞌdi jiroti jirtuu imassan ꞌhelo lakachiire laka gargaar.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Bakkaahit 12:15

Khorojebsi ꞌdeerka bicchehi buurenye ꞌdulo ꞌdee makhaabál haro af kasoobahche, ꞌdubiche gate.

Bakkaahit 5:13

ꞌDeerka wihi lasoouume serey kajiro ichoow wihi harra sarche kijiro ichoow wihi harra iliche kajiro ichoow wihi beyohi burbuure goya kijiro tuumman la ichohi waha dowti daage, “Waakkheenki komborti antoot kafiddiyo ichoow Heleem ba, a lasaaꞌdo, a liinkaanyito, a laweynaacho, miig ticho a titaahe jirtuu tuummamba.”

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 13:12

Binahi lammaatteet binahi oraat orcho ka antohiis tuumman walah kadakhte. Binaha lammaatteet la weeli enenyete harra kijiro tuummane ihosse, binahi oraate jiissi omoot keento lasamaache khabe wahtaan.