Bakkaahit 13:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Binahaas afi icho keeylajaane toro icho Waakh ikagafo lasiiche. Binaha la hay tomon affar ichoow hay lamma anto lasiiche.

Bakkaahit 13:5 Referans Kwoze

Bakkaahit 12:6

Makhaabale hidaad ka inti goorat Waakh iyeele ifiridde, ꞌdee herti Waakh ibeen alifoo kud lamma ichoow ibeen tomon lih goollissa.

Bakkaahit 12:14

Makhaabál barbarretoo lammeenye gabadeet lasiiche, ꞌdee serey ka inti hidaad ka liiyeele, guꞌh seyyah ichoow hay lih lakagoollicho, khorojebsi la ikasooeleelin inyaanta.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Bakkaahit 13:7

Binahaas la miigti us ꞌdooꞌdi Waakh kadihaane toro icho kasoorichaan a lasiiche. Binaha la toro antohi us yaafo tuumman ichoow ꞌdooꞌdi fil tuummane ichoow afaf tuumman ichoow ilal tuumman kadakhti laka lasiiche.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

2 'Dessaloonika 2:3

Uus etoo jitoo kalday ka laka atin ekkeysan. A mehe ibeenkaas ma yateehe ichoowka ꞌdooꞌdi buure Waakh ꞌdiiꞌda, toro la ki hugunꞌdarri kaassohti Waakh baabiicho soobaha.

2 'Dessaloonika 2:8

Chirraase ꞌdeerka eti amurre tuumman ꞌdiiꞌdo soobaha, Yeessohi Kamure la usu yeedi afiis kasoobaho ka yagiise, toro la ababnaanki maanti us soonokhti us ababo ka bar tira.