Bakkaahit 11:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Wussoo iꞌdi reenkoo walah lakarerreegee liisiiche, wihi liidah, “Nyaame, minki Waakhe buure ichoow koondihi gaꞌdaar rerreege, ꞌdooꞌdi intaakka Waakh wahti laka ekkaay.

Bakkaahit 11:1 Referans Kwoze

Bakkaahit 21:15

Herta Waakhe ileeyyeeddo, wussoo ꞌdahabe iche ilkerengeet ichoow arto ichoow khaari ilkerengeetta kamarsan tuumman karerreegto iche khabta.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

2 Koriinto 6:16

Minki Waakhe buure ichoow iyookkoyyo saggoh isidaagaan? A mehe inno a minki Waakhe buurenye Waakkhi jiro. Iꞌdi Waakh yidah u, “An goychooda furda, goycho kaassohda. An Waakkhichooda ateehe, icho la ꞌdooꞌdaaya yateehiin.”

Bakkaahit 10:11

ꞌDeerka wihi ani liidah, “Nyaam toro wori Waakhe ꞌdooꞌdi fil ittaawe ichoow ilassi ittaawe ichoow afassi ittaawe ichoow karnatohi ittaawe miinsan cheek.”