2 Timooti 4:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Icho la yeedi rummaat adah a kakhabtaane, hawweesseti beenaat nabah isudaan.

2 Timooti 4:4 Referans Kwoze

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.

1 Timooti 4:7

Hawweesseti Yeedi Waakh buusan ichoow ti ꞌdalam ba kaseeh. Isjeyiche ꞌdee jiroti Waakh kahamaado jir.

Hilassi Ergaano 7:57

Iche la weyti riirte, farro nabho isgelisse. Chiꞌiche nabho farro isgelisse ka iche tuummamba Isiteefano ioriite,

Tiito 1:14

hawweesseti Yaꞌhuude indigir ikhabin la iicho nabah isudine, amurreti ꞌdooꞌdi yeedi rummaat ꞌdiiꞌdo la iicho raahin.

2 Timooti 1:15

Saggi at igarattuu, ꞌdooꞌdi boroofenhi Aassiya kacchiis, Fiigela ichoow Hermagoon khabaani, adah a ikakhabte.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

Ibiraaniya 13:25

Waakh ba atin tuumman atin imaala.

Mattaayo 13:15

A mehe ꞌdooꞌda uurassicho a gaꞌdaale, dogohicho la a ꞌduuꞌdeene, toro la indohicho laka a ꞌduuꞌdeen. Chiꞌiche iꞌdaas ieheynan, indohicho a geeddi icho il argaane, dogo la khabaane, uurassicho la a geeddi icho walah abtaane, a geeddi icho ani isoourgiyaane anna samaacho.’

2 'Dessaloonika 2:11

Jeentetaas u Waakh ekkeysihi miigenye malicho gessa, ꞌdee wihi beenaat rummeestaan.