2 Timooti 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

2 Timooti 4:3 Referans Kwoze

1 Timooti 1:10

Toro la amurre a ti ꞌdooꞌdi isidisanne isleeurꞌdo ichoow mejeli isleeurꞌdo ichoow ꞌdooꞌdi enenyet ororsati ichoow ꞌdooꞌdi been leh ichoow ki garti beenaat cheeko ichoow wihi tuummane wori mujjumenye Waakh buusan.

Galaatiya 4:16

Toollaka runti an atin isoocheeko on ka chiiytankiin itah?

Luuka 6:26

Atinhi toolla ꞌdooꞌd tuumman atin koolicho, sinati atin sugto eenna a buure. Iꞌdi tahe aacchinyetiin laka goorat saggaas on ꞌdooꞌdi ꞌdooꞌdi Waákh íyeyyeedo iskaayyeelo ikoolisse.

Yoohana 8:45

Iꞌdaasenyi an ayti rummaate atin icheeka, jeentetaase ani irummeysawwaayteen.

1 Koriinto 2:1

ꞌDooꞌd Kiriistokaaw, maanti an atin iimiyye an runti dagsane Waakh miinsan atin icheeke, an yeedassi burbuure ommos jiti khara ka ma atin leeyyeedin.

Hilassi Ergaano 17:21

ꞌDooꞌdi ilkerengeetti Aaꞌden kajiro ichoow ꞌdooꞌdi yeelane intaas fiddiyo tuumman ayti husube us dagansati toro us kahawwoocho on menye, walah addane us haaggicho mele.

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

Yuuda 1:18

Wihi iche atin itidah kallaayo, “Ibeenneti ꞌdaꞌddaboot ꞌdooꞌdi ꞌdooꞌdi addan kachaarti, wahanyeyyohi wihi Waakh ieheynane uurassicho imoonaan on yeelo a soobaha.”