2 Timooti 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Toro la ꞌdoonin ma khabo, uskeel ma isikakuto, ꞌdooꞌdi addan meꞌdeꞌddeela, ma isjeycho, binaawa, wihi haaggan aw ma ikhabo.

2 Timooti 3:3 Referans Kwoze

Yuuda 1:18

Wihi iche atin itidah kallaayo, “Ibeenneti ꞌdaꞌddaboot ꞌdooꞌdi ꞌdooꞌdi addan kachaarti, wahanyeyyohi wihi Waakh ieheynane uurassicho imoonaan on yeelo a soobaha.”

Rooma 1:31

ꞌDooꞌda khara us khabo mele, wihi icho ayyicheen ma buuhichaane, ꞌdooꞌdi addan ꞌdooninti imasse ma ikhabaane, uurnugleel la ma khabaan.

Mattaayo 10:21

“Etoo walaaliissa ꞌdub goocha, dahanohi nahab gessa ꞌdee layagiis. Ooyo laka weeliis iꞌdaas yeela. Nyaakhut ꞌdooꞌdi dele yeedicho ꞌdiiꞌda, dahanohi ꞌdooꞌdoo addan gessaane ꞌdee layagiis.

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

1 Timooti 3:11

Saggaas on u deyyehoticho laka a deyyehoti liinkaanyito, enenyet imeꞌdeꞌddeeline, iꞌdaasenyi walah tuumman ka isjeyisso, walah tuumman ka lakakhuufo.

Mattaayo 4:1

Rubeyti Munyee saahka Yeesso woyte, ichoowka hidaad geesse, ꞌdee Seytaan kajmeti uskeel kaluguꞌddo ikeena.

Bakkaahit 17:6

Anna makhaabassa diiggi ꞌdooꞌdi Waakh ichoow diiggi ꞌdooꞌdi gar Yeesso laabo tubhubye ichoowka meleefu titah arge. Uus an iche arge ka weyti girmeesde.

Bakkaahit 16:6

A mehe icho diiggi ꞌdooꞌdaah ichoow ꞌdooꞌdi kiyeyyeedo harra ikhubeene, at la diiggi icho damaane siisse. Waha a wihi rumanka icho imale.”

Bakkaahit 13:17

Iꞌda ka et walah gatti ommos walah ororicho mele sammata us sumatta ikhabin. Sumattaas la a magahi binahi oraate, ommos a sumatti ayti magahiis itolosso.

Bakkaahit 13:15

Waakh binaha lammaatteet miigti us iyookkota binahi oraat iyoog neebsi kaafuufo us jiro siicho siiche, ꞌdee iché iyeyyeedin tabuuꞌde, toro la ꞌdooꞌdi iyookko wahan ꞌdiiꞌdo labakkicha.

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

2 Beetero 3:3

Koloo la waha abda, ibeenneti ꞌdaꞌddaboot ka ꞌdooꞌdi runti Waakh kachaarti toro suujoonki uurassicho imoonaan kalday on yeelo a soobaha.

Yaakoobo 2:6

Iꞌdaasenyi atin miskiino lakhaanyo a kadowteen. Kamurre menya sina atin kawaarisso? Toro la icho menya kootiin atin geesso?

Tiito 2:3

Iꞌdaasu la, deyyehoti araarrinyee laka wihi at itadeeh, jiroticho ka, saggi deyyehoti munyee ijira. Iiche enenyet meꞌdeꞌddeeline, farsoti sabiib barin. Iꞌdaasenyi wihi haaggan enenyet a abisso,

Tiito 1:8

Toro la a eti goobiis ka enenyet martiisti, haag on ꞌdoono, samacchaarenye, fissane, munyeenye, isjeycho.

1 'Dessaloonika 4:8

Maantaka eti waha laabcho ꞌdiiꞌdo weeli enenyet menye, Waakkhi Rubeytiisti Munyee atin siicho iche ꞌdiiꞌddanyahe.

1 Koriinto 7:9

Iꞌdaasenyi chirri icho isjeyin iubaaꞌdan, min a disteene ommos a ladiso. Iꞌdi tahe ichohi makhaabassi ommos makhaabali icho weyti leeurꞌdaan iildeerroti ka, ichohi minan disti ommos ladiso deefta.

1 Koriinto 7:5

Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine.

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Luuka 16:14

Farissaayo chiꞌiche ayta daagte ka tekkele ka Yeesso kareyatte. A mehe icho a ꞌdooꞌdi weyti chilimme ꞌdoono.

Luuka 10:16

“Eti nabah atin isudo, ani nabah isuda. Eti atin ꞌdiiꞌdo la ani iꞌdiiꞌda. Iꞌdaasenyi eti ani iꞌdiiꞌdo, eti isooergate ꞌdiiꞌda.”

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.