2 Timooti 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.

2 Timooti 3:2 Referans Kwoze

Fiiliffi 2:21

A mehe ꞌdooꞌdi addan tuumman, wahanyeyyo Yeesso Kiriisto menye ebba wihiissa on yowta.

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

2 Timooti 3:4

Toro la aalassiis ꞌdub goocha, walah tuumman ka walah ma ibaalaane, weyti serey isgeechaane, wihi harrata Waakh ꞌdirihiis ꞌdoonaan.

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Yaakoobo 4:6

Iꞌdaasenyi Waakh haaggiiski buurenye us inno siicho a kakhayma. Jeentetaase Chiirnaanneti Waakh mehe itadeeh ya, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Timooti 6:4

weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

Luuka 12:15

Yeesso la wihi us icho iyidah, “Yuubsada! ꞌDamaanki atin wihi atin ikhabin ꞌdoontaan ka isyaakhicha. Iꞌdi tahe jiroti mujjume hoolahi at khabto mee katamiit.”

Bakkaahit 16:11

Toro la jeenteti bolokkhichoki uskul ichoow jiissichuu, Waakkhi goobi Waakh igafeen. Iꞌdaasenyi wihi icho yeelaan ma kasoonokhan ba.

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Yaakoobo 4:16

Iꞌdaasenyi atin rannyaat ka a eylajjaan. Eylajaas tuumman a uskeel.

2 'Dessaloonika 2:4

Eta wihi tuummane Waakh layadeeh ommos wihi lawahti tuummane tirrima toro la ꞌdirihicho isweynaacha, ꞌdee minki Waakhe buure goya orronta, nane Waakh iskayeela.

Rooma 11:18

Toollaka atinhi liikhimohi geeyi oolife yibaate, ꞌdooꞌdi liikhimohi Waakh jebchee, sarcho iisgeenna. Chirri atin sarcho isgeessaan waha abda, atin alah hiiyyay menye a liikhimo on. A mehe hiiyyaye liikhimo goollicha.

Bakkaahit 16:21

Dagahti burbuurenye baraafo, kooba geeddi kiilo tomon affare serey ka enenyet kasookhubatte. Enenyet jeenteti sinata weyti buurenye dagahti baraafo keentuu Waakh igafe, a mehe sina weyti suuj eheet.

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

1 Timooti 1:20

Goycho la a Hamenaaya ichoow Alekisaanda. An icho dahanohi Seytaane gesse, ꞌdee Waakkhi liikagafin laabcha.

Hilassi Ergaano 5:36

Wihi inno orey agarre, Dewuudo a soobahe etoo ween iskayeele. Ullaka geeddi et kud affare raahte. Inkoo usu layigis ka, ꞌdooꞌdiiskaas ichoow yeediis tuumman ba baabe.

Luuka 16:14

Farissaayo chiꞌiche ayta daagte ka tekkele ka Yeesso kareyatte. A mehe icho a ꞌdooꞌdi weyti chilimme ꞌdoono.

Bakkaahit 16:9

Kuleeli weyti buure enenyet gube, icho la magahi Waakkhi sinayyoha khuccho igafeen. Iꞌdaasenyi icho uskeelicho kasoonokhan ichoow Waakkhi icho weynaachaan ꞌdiiꞌdeen.

Bakkaahit 13:1

Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

2 Koriinto 5:15

Ulla enenyet tuumman a iyumuyye ꞌdee eti tuummane jiro uus saggi us awtiis u iꞌdoono ijirine, iꞌdaasenyi saggi Kiriisto iꞌdoono a ijiro. Iꞌdi tahe Kiriisto a yumuyye Waakh la iroonotichuu usu omoot kasookahche ꞌdee icho la jiraan.

Mattaayo 15:6

us gargaaraas ka aabbahiis iinkaanyitin. Iꞌdaas ka jeenteti hugunkiin u, antohi Yeedi Waakh a ꞌdiiꞌddaan.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

1 Timooti 1:9

Inno saggi amurretaas ꞌdooꞌdi liiyeele ki fiffissan ieheynan laka a garanna. Iꞌdaasenyi amurre a ti ꞌdooꞌdi amurreti Waakh iraahin ichoow ki weynaan iinkaanyitin ichoow ki Waakh igaran ichoow ki uskeel yeelo ichoow ki Waakh ikahamaadin ichoow ki Waakh iinkaanyitin ichoow ki ꞌdooꞌdi dele bakkicho ichoow ki diig gelo.

2 Beetero 2:10

Kach ka la a ꞌdooꞌdi wihi kheerenye uurassicho goya kijiro uskeel imoono raaho toro weynaan rannyo. Icho wihi icho yeelin ꞌdoonaan ka roorro ma khabaane, rannyaate leeyahiine, toro la wahanyeyyohi iꞌdi herti Waakhe anto khabo liiargine icho leeabaarramaan ma karooraan.