2 Timooti 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Chaꞌan saggi maanti inno seley bahne at iooyte kasooꞌhelo, anihi kaargo ꞌdee hamaadi buure ibuuhicho ꞌdoona.

2 Timooti 1:4 Referans Kwoze

2 Timooti 4:9

Geeddi at tabuuꞌd hol dowe, dowwa isooeleel.

2 Timooti 4:21

Geeddi at tabuuꞌd hol dowe, geeddi il iroffowin inta sooeleel. Yuubolo ichoow Buunten ichoow Liino ichoow Kilaawudiya ichoow ꞌdooꞌdi addane tuummane Kiriisto rummeeste a atin soobariitiche.

1 'Dessaloonika 2:17

ꞌDooꞌd Kiriistokaaw nah kol tuumman uur a atin kakhabne. Inkoo geeddoor seley inno labahche laka, weyti atin towne, fooli nah atin agarro imoonne.

Fiiliffi 1:8

Waakh saggi an ꞌdooninti Yeesso Kiriisto enenyet ꞌdoono ka uureey ka atin ikamoono garteey a laaba.

Bakkaahit 21:4

Waakh la indohicho ka ilmohicho tuumman a hiyyaaya. Kola omoote ma jirto, enenyet looyo mele, oytime ma jirto, bolokh laka ma jiro. Iꞌdi tahe wahanyeyyohi oraat a kuteen.”

Bakkaahit 7:17

A mehe Heleenki komborti antoot kafiddiyo ersinkichooda yateehe, ulla issi bicchehi jiro lakaꞌhelo icho iwoya. Waakh la ilmohicho tuumman indohicho a kahiyyaaya.”

1 Yoohana 1:4

Wahane atin isoochiirra, ꞌdee hamaadeenyo tuum kayeella.

Fiiliffi 2:26

Ulla atin tuumman a atin imoona toro la jeenteti atin khannaatiis idaagteen u, weyti mali uskul gele.

Rooma 1:11

Anihi atin argo ꞌdee siintoo Rubeyti Munyee katamiit atin siicho, ꞌdee rubeyohiin miigowaan weyti imoona.

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Yoohana 16:24

Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.

Yoohana 16:22

Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.