2 Timooti 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Iꞌdaasenyi Yeesso Kiriistohi ꞌDoorribeheene a yimiyye, haagga isoobabbakkaahiche. Ulla miigti omooteet a jejjebche, Wori Haaggane us cheeke ka la jiroti jirtuu imassan wihiche a inno abche.

2 Timooti 1:10 Referans Kwoze

1 Yoohana 1:2

Eta la a nah isoobahe, nah usu a agarre, runti usu miinsane cheekna. Toro la eta jiroti jirtuu imassan khabo, goorat Aabbahiis leejire nah isoobahe iche atin isoocheekna.

Rooma 16:26

Iꞌdaasenyi runta dagsan toolla weyti lasoobabbakkaahiche. Runtaas la Chiirnaanneti Waakhe ꞌdooꞌdi Waákh íyeyyeedo ka a lacheeke. Waha la saggi Waakkhi jirtuu tuumman jiro iꞌdoono inno isoocheeke, iche liiyeele. Amuri us inno ibahche la a mehe ya, nyaama runtaas yaafohi harra tuumman abcha, ꞌdee Kiriisto a kakhuufeene, toro la a raaheen.

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

1 Koriinto 15:26

Chiiytanki ꞌdaꞌddaboote us baabiicho a omoot.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

2 Timooti 1:1

Eti khadaaba kisoochiiro a ani Baawulohi mali Waakh ka ergaano Yeesso Kiriistee. Waakh la iꞌdane yeele ꞌdee jiroti jirtuu imassanne us ꞌdooꞌdi icho ichoow Yeesso Kiriisto ba wohoo kalday yahiin iayyiche enenyet icheeka.

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Bakkaahit 22:17

Rubeyti Waakh ichoow nyarnyaar ba wihi icho Yeesso idowaan, “Amiit!” Eti tuummane wora daage laka Yeesso, “Amiit!” a iyidaahe giꞌde. Eti tuummane sugub khabo a yimaate. Eti tuummane ꞌdoono la, biccheha jiro lakaꞌhelo iꞌdaanu enenyet lasiicho a yubhaabe.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Bakkaahit 18:1

Waha ꞌdubicho ka, hertoo Waakhe addan ichehi goobi Waakh kasookhubatti arge. Herta Waakh la antohi buurenye khabta, ababnaanki iche ababto la harra tuumman banaynoocheen.

Bakkaahit 2:7

Eti dogo khabo wihi Rubeyti Waakh ururre Kiriisto idowto a daago giꞌde. Eti tuummane sooricho la, ohonti us gurnaanki geeyi jiro lakeelo bahcho, gosi Waakh goya katoollo kayaham a muꞌdanyahe.

2 Beetero 3:2

Atinhi wihi goorat ꞌdooꞌdi munyayyeenye Waákh íyeyyeedo cheeke kasooꞌhessaane ꞌdoona. Toro la atinhi amurreti Kamureenki toro ꞌDoorribee miinsane ergaano atin isoocheekte kasooꞌhessaan iche ꞌdoona.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

2 Beetero 1:11

Iꞌda ka goobi Waakhe jirtuu imassanne Yeesso Kiriistohi Kamureenenye ꞌDoorribeheene dakhti ka weyti atin lasoodowwaacha.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

Ibiraaniya 10:32

Bal saggi atin dowwanohi atin Yeesso Kiriisto rummeysatteen ijirteen kasooꞌhela. Sinati buurenye atin tuhuyye, iꞌdaasenyi atin a garrahsatteen one, yombo ma inokhan.

Tiito 3:4

Iꞌdaasenyi maanti Waakkhi ꞌDoorribeheene uuri ꞌdabakhe inno tuste weeli enenyet ꞌdoonintiis tuste ka,

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

2 'Dessaloonika 2:8

Chirraase ꞌdeerka eti amurre tuumman ꞌdiiꞌdo soobaha, Yeessohi Kamure la usu yeedi afiis kasoobaho ka yagiise, toro la ababnaanki maanti us soonokhti us ababo ka bar tira.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

2 Koriinto 5:4

Iꞌdi tahe geeddi inno sarteenta harratane iꞌdi eemee on khabno a ooyna iꞌdoo hulees inno lakorchuu. Waha jeenteti innohi sarteenti harrata lakaduumicho iꞌdoonno menye, innohi sarteenti husube goobi Waakhe inno lagesso ꞌdee jiroti jirtuu imassan sarteenta tamuut chakhsatti iche ꞌdoonna.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

Rooma 6:6

Iꞌdi tahe wihi inno garanni, eti inno goorat nahe a iꞌdoo Kiriisto massalaaba ka laleekaahe, ꞌdee wihi goyteen kijiro uskeel imoono miigti icho inno kaantaan latira. Iꞌda ka inno kola bowꞌdayyohi uskeel mee gon,

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

Hilassi Ergaano 13:23

“Waakh la hiiy Dawuud ka, iꞌdi goorat us iayyichuu, Yeesso ꞌDoorribehi yaafohi Issiraayel kayeele.

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 5:40

Iꞌdaasenyi atin, atinhi ani itamiitiine ꞌdee jiroti rummaat jirtaan a ꞌdiiꞌddeen.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Luuka 13:7

Ulla ꞌdeerka ilbooyi gos khuto wihi us iyidah, ‘Guꞌh seyyah dakkhan an geeya fiig gurnaan on kayowda, ulla gurnaan us delo mele. Gooy uus immarah harra katoolline.’ ”

Luuka 11:36

Maantaka chirri sartaah tuumman banay buuhaane intoo rucchul laka mugꞌdi ikajirin, sartaah dakkhan a bildiikhta gon, iꞌdi chirra banayhi taa kabolkhaan u.”

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Bakkaahit 20:14

Waakh ꞌdeerka omoot ichoow meessi omooteet ba beyti ꞌdab goya iseye. Beyta ꞌdab a omootti lammaatteet.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

2 Timooti 4:1

Waakh ichoow Yeesso Kiriistohi Kamureenenye maanti us soonokhti dakhiis chuukho toro ꞌdooꞌdi tuume ichoow ki jiro ba hukkumo, orcho ka wihi an kiadeeh kallaayo.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.