2 Beetero 3:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

2 Beetero 3:9 Referans Kwoze

1 Timooti 2:4

A mehe Waakh weeli enenyet tuumman usuhi laribo toro la rum abti ꞌdoona.

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

Bakkaahit 2:21

An iche geeddi deer a ꞌdiiche ꞌdee sohoꞌddarritiche a kasoonokhatti, iꞌdaasenyi ma ꞌdoonto.

2 Beetero 3:15

Waha la abda, samacchaari Kamureen ribnaanki us enenyet ribo ikhaata. Walaaleenki inno ꞌdoonno Baawulo layadeeh laka kharati Waakh siiche ka waha a atin isoochiire.

1 Timooti 1:16

Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

Ibiraaniya 10:37

A mehe dowwanoha ka, “Eti yamiit a yamiite ma malmalo la.

Rooma 9:22

Saggaas on u, chiꞌ Waakh enenyet holiis ichoow miigtiis tusin ꞌdoone laka, wihi us gooche, us ꞌdooꞌdi kootte baabiin liigooche weyti a isamacchaara on.

1 Beetero 3:20

Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.

Rooma 13:11

Waha tuumman yeela, iꞌdi tahe ibeenneti luurꞌdo kola a kutte, ꞌdeerka urꞌdummetiin kasooneybaada! A mehe ibeenki Kamur inno ribo, maanti goorat inno Kiriisto rummeysanne ichoow toolla, toollane soodowwaate.

Rooma 13:12

Ibeen kola a kute, il a soobarya. Maantaka taba, wihi suujenye mugꞌdi kasootaba. Birti haaggane banayeet okhsada, ꞌdee uskeel diha.

2 Beetero 1:4

Wahanyeyyohaas ka Waakh ayyinti weyti haaggane indigir inno ikhabto a inno igooche, ꞌdee ayyintaas ka Waakh uummankiis leegisanna toro suujoonki harratane wahanyeyyohi liimoono keenaan kabahsanna.