2 Beetero 3:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Baawulo khadaabbetiis tuumman ka, wahanyeyyohi emeet Kiriisto miinsan a kaayyeeda. Khadaabbeti Baawulo chiiro meelassoo, wihi us kaayyeedo abane a miig. ꞌDooꞌdi waha foolicho ikhabin ichoow ki yeed Yeesso goya kahusube mujjum hiiyyay ibihin la, wihi yeediis essi tuummane urgiyicha. ꞌDooꞌda la Chiirnaanneti Waakh tuumman saggaas on ibaabula. Iꞌda ka bakkinnaanki labakkicho iche isikeenaan.

2 Beetero 3:16 Referans Kwoze

Mattaayo 15:6

us gargaaraas ka aabbahiis iinkaanyitin. Iꞌdaas ka jeenteti hugunkiin u, antohi Yeedi Waakh a ꞌdiiꞌddaan.

Ibiraaniya 5:11

Wihi buurenye Yeessohi ullaka iꞌdi Melkisedeek u kuhaanee miinsane an idaahan ꞌdoono, a jiraan. Iꞌdaasenyi chirri an atin isoobabbakkaahicho weyti miigyahiin. A mehe walah dowwa ma atin gelaanee.

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

Yaakoobo 1:8

Eta uurlammaal khabo, jirotiis kol dakkhan maamba fooloo yeerenye bihissa.

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

Mattaayo 22:29

Yeesso wihi us ilaabe, “Atin jeenteti atin wihi Chiirnaanneti Waakh enenyet abisso ichoow miigti Waakh igaran u, jiti baabulenye kijirtaan.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

2 Beetero 2:1

Yaafohi Issiraayel goyaka la, ꞌdooꞌdi beenaate ꞌdooꞌdi Waakh iyeyyeedee a jire. Saggaas on u ꞌdooꞌdi ꞌdooꞌdi Waákh íyeyyeedo iskaayyeelo laka goytiin a soogela dagsi ka yeedassi beenaate jit Kiriisto enenyet buucho enenyet abcha. ꞌDooꞌda la Kamuri gatte laka a ꞌdiiꞌda, baabakki Waakh baabiicho dowwa on isikeenaan.

Mattaayo 15:3

Yeesso wihi us ilaabe, “Atin la a iꞌdoh jeenteti hugunkiin u, amurreti Waakh ijebissaan?

1 Beetero 1:1

Khadaaba eti atin isoochiiro, a ani Beeterohi ergaano Yeesso Kiriistee. ꞌDooꞌdi an isoochiiro la a ꞌdooꞌdi Waakh soobahsate, harrata ka iꞌdi ꞌdooꞌdi yeelan ijiro, boroofenhi Boontus ichoow ki Galaatiya ichoow ki Kabadookiya ichoow ki Aassiya ichoow ki Biꞌduuniya tuumman kataasan.

2 Beetero 3:2

Atinhi wihi goorat ꞌdooꞌdi munyayyeenye Waákh íyeyyeedo cheeke kasooꞌhessaane ꞌdoona. Toro la atinhi amurreti Kamureenki toro ꞌDoorribee miinsane ergaano atin isoocheekte kasooꞌhessaan iche ꞌdoona.

2 Beetero 3:14

Maantaka aalasseeyki an weyti ꞌdoono, geeddi atin wahaas sugtaan weyti tirriinsada, ꞌdee atinhi usu nebey ikhabtaane uskeeloo rucchul laka ikhabine eloo rucchul laka ikhabin a atin sooeleelo.