2 Beetero 3:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Iꞌdaasenyi ibeenki Kamur iꞌdi eti walah hato iyamiit. Maantaas la sereyta daayan saggi uskule iyeedda, baabaata. Wahanyeyyohi sereyta kajiro tuumman la a gubtaane bar waayaan. Toro la harra ichoow wihi harra kajiro tuumman laka a laguba.

2 Beetero 3:10 Referans Kwoze

Bakkaahit 21:1

ꞌDeerka sereyti daayane husub ichoow harrati husub arge. Iꞌdi tahe harrati oraat ichoow sereyti daayane oraat tuummamba a kuteen. Walah beyenye kola jiro mele.

Mattaayo 24:35

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

2 Beetero 3:7

Waakh la yeedaas afoot on ka serey ichoow harrata saggi toolla icho ijiraan on iꞌdiicha ichoowka ibeenki us ꞌdab kagubo baabiicho yateeh. Ibeenkaas Waakh ꞌdooꞌdi usu igaran a hukkuma toro la bar tira.

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

1 'Dessaloonika 5:2

Iꞌdi tahe atin rubeytiin tuum saggi Kamur sahaꞌddi liikamurin iyamiit a garattaan, iꞌdi eti walah ibeen hatuu.

Marko 13:31

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

2 Beetero 3:12

geeddi atin ibeenki Waakh sugtaane atin ibeenkaas itirriinsattaan. Maantaas la sereyta daayan ichoow wahanyeyyohi kijiro tuumman a gubtaane bar waayaan.

Bakkaahit 3:3

Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.

Luuka 12:39

Iꞌdaasenyi waha abda, chirri ooyohi min leh sahaꞌddi eti minkiis hato kayamiit garti, minkiis ma ꞌdiicho ma lajebcho.

Bakkaahit 20:11

ꞌDeerka kombortoo antoote buurenye dakhane etoo kafiddiyo arge. Harra ichoow sereye ba eta ortiis kafirdeene, iꞌdaasenyi meel icho isiꞌheleen mele.

1 Koriinto 5:5

eta suuje dahanti Seytaan gessa. Iꞌda ka etaas wihi uuriis goya kijiro uskeel imoono a labaabiicha, rubeytiis la maanti Yeessohi Kamure soonokhti a lariba.

Rooma 8:20

Iꞌdi tahe harrataas Waakh soouume ti suusahto iche lakayeele. Wahaas la wihi iche ꞌdoonto menye, a wihi Waakh gooche. Iꞌdaasenyi khajjeeli lakhabe kalla,

Yuuda 1:6

Wihi addane an atin kasooꞌhelcho, a herti Waakhe goorat antohi Waakh siiche ka hili lasiiche ibuuhinne, iꞌdaasenyi meessiche katabte. Waakh icho biingoyyohi armaanjireene mugꞌdi goyaka kahide, ichoowka Ibeenki weene Waakh ꞌdooꞌd hukkumo yateeh.

2 Koriinto 1:14

saggi atin geeddoo nah iabatteen u, tuume nah abattaane ꞌdee maanti Kamureenki Yeessee soonokhti ka nah keeylajjaan saggi nah laka atin ikeeylajnuu.

1 Koriinto 1:8

Yeesso Kiriistohi Kamureene la a atin miigoocha, usu mujjum kakhuuftaane, ꞌdee maanti us soonokhti ka, wohoo rucchul laka ma atin kacheekti.

1 'Dessaloonika 5:4

Iꞌdaasenyi ꞌdooꞌd Kiriistokaaw, atin mugꞌdi goya ma kijirtaan, uus ꞌdee ibeenka iꞌdi eti walah hatuu doglaan atin soogelinee.

2 Beetero 3:11

Walah tuumman saggane liibaabiicha gone, atinhi jiroti munyee ichoow jiroti Waakh kahamaado jirtaane laꞌdoona,

Bakkaahit 6:14

Sereyta daayan iꞌdi khadaabi layuubuu jibbaadnante, baabaate. Halal tuumman ichoow kurohi bey goya kijiro laka meessicho lakabahche.