2 Beetero 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.

2 Beetero 1:16 Referans Kwoze

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

1 Timooti 4:7

Hawweesseti Yeedi Waakh buusan ichoow ti ꞌdalam ba kaseeh. Isjeyiche ꞌdee jiroti Waakh kahamaado jir.

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

1 Koriinto 1:17

A mehe Kiriisto ꞌdooꞌdi an baattissiyo mee isooerge, iꞌdaasenyi wihi us isooerge, a Wori Haaggane an cheeko. Wora la kharati yeedi weeli enenyet mee kacheeko. Uus ꞌdee omootti Kiriisto massalaaba ka yumuy miigtiche waayine.

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Tiito 1:14

hawweesseti Yaꞌhuude indigir ikhabin la iicho nabah isudine, amurreti ꞌdooꞌdi yeedi rummaat ꞌdiiꞌdo la iicho raahin.

Yuuda 1:14

Eti Eenog layadeehe kholoti teebannaatteete Aadam sooraahte ka jire, orey on wori Waakhe ꞌdooꞌda miinsan kaayyeede, wihi us yidah, “Bal yeya, Kamur hertiisti munyayyeenye aliffe goosso khabaayi a yamiit.

2 'Dessaloonika 2:9

Emeetti eta amurre tuumman ꞌdiiꞌddan ichoow hili Seytaan haaggicho a israahaan. Wihi beenaate us enenyet tuso a waha, wihi ittaawenye weeli enenyet yeelin iubaaꞌdan ichoow wahanyeyyohi miigti Waakh tuso ichoow girmo.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

1 'Dessaloonika 2:19

A mehe maanti Yeessohi Kamureene soonokhti ortiis ka khajjeel ommos hamaad ommos kalaꞌddi nah keeylajno a mehe? Atin menya?

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

1 Koriinto 5:4

Maanti atin anto Kamureenki Yeessee ka kulantaane anna rubey ka atin leejiro, miig Kamureenki Yeessee la atin leejirto,

1 Koriinto 2:1

ꞌDooꞌd Kiriistokaaw, maanti an atin iimiyye an runti dagsane Waakh miinsan atin icheeke, an yeedassi burbuure ommos jiti khara ka ma atin leeyyeedin.

1 Koriinto 1:23

Iꞌdaasenyi nah wori Kiriistohi massalaaba lakakaahe miinsan iche enenyet icheekna. Wora la ꞌdooꞌdi Yaꞌhuud daakki tarraantarricho iyateehe, yaafohi Yaꞌhuud ieheynan ka la, wora a yeedi ꞌdalam.

1 Koriinto 1:7

Maantaka siinti Rubeyti Munyee katamiit too kaldaye atin kaankhan ma jirto, geeddi atin Yeesso Kiriistohi Kamureenenye inno liisoobabbakkaahicho weyti sugtaan.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Mattaayo 24:27

Iꞌdi tahe saggi ankhadhi beri kaankhado bahay ka liiarguu, Ínam Aadam laka emeettiis iꞌdaase tateeh.

Mattaayo 24:3

Geedda Yeesso Hali Geeyohi Oolif ka fiddiyo, abattitiis dagsi ka itimiyye wihi iche itidah “Waha maantoh yateehiin? Toro la mehe yateehe emeettaah ichoow ibeenki ꞌdaꞌddaboot tusa?”

Mattaayo 16:28

Rume atin icheeka, gaasiinkoo maanta inta kijiro, omoot ma argo geeddi icho Ínam Aadamhi dakhiis khabaayi yamiit iargin.”

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Mattaayo 17:1

Inkoo ibeen lihe kutte ka, Yeesso Beetero ichoow Yaakoobo ichoow Yoohanahi walaal Yaakoobee khaatte, woye, haloo deer koreen ichohaas on.

Marko 13:26

“Maantaas Ínam Aadam usuhi mirso goyaka yamiite, miig ichoow antohi buure khabo weeli enenyet tuumman a arga.

Marko 14:62

Yeesso la wihi us iyidah, “Aa, a ani. Ínam Aadam la usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Luuka 9:43

Icho tuumman la miigti Waakh kagirmeesteen. ꞌDooꞌd tuumman wihi Yeesso yeele kagirmeestaayi, Yeesso wihi us abattitiis iyidah,

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.