2 Beetero 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Maantaka ꞌdooꞌd Kiriistokaaw a atin hawwaasde, tirriinsada wihi saggi Waakh atin iwahe toro us atin isoobahsate tuso yeela. A mehe chaꞌatin iꞌda yeesseen jirtuu ma tarraantarrattaan.

2 Beetero 1:10 Referans Kwoze

2 Beetero 3:17

Maantaka aalasseeyki an weyti ꞌdoono, waha orey on garatteen gone taba isyaakhicha. Uus suujoonki ꞌdooꞌdi hugumme iraahin atin ekkeysanne luhlo atin kakhaatin. ꞌDooꞌda iꞌdane atin yeela ꞌdee kakhuufnaanki atin Waakh kakhuuftaane isesseehin ka kuftaan.

Ibiraaniya 6:11

Wihi nah etiimba iꞌdoonno kallaayo, orey isohda, isꞌdoona ichoowka jiro ꞌdubiche a eleesso, ꞌdee wihi atin Kiriisto ka khajjeessaan uba.

2 Beetero 1:5

Jeentetuu la taba tirriinsada kakhuufnaanki atin Waakh kakhuuftaan haag kakhaya, haag la abannaanki atin Waakh abattaan kakhaya.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

Ibiraaniya 6:19

Waha inno khajjeello la, jiroteen ka fiddihi roorro laan lafiddiyo khuuf inno siichaan. Eti inno khajjeel kakhabno a Yeessohi dafarti yobbeenye meel seley goosso tabe, dafartaas ꞌdirihiche ka meessi goyaat ikute.

Mattaayo 22:14

A mehe ꞌdooꞌdi Waakh waho a ittaawe, iꞌdaasenyi ki Waakh soobahsati a koo rucchul.”

Rooma 11:29

Iꞌdi tahe Waakh ꞌdooꞌdi us siintiis iꞌdaanu siicho ichoow ꞌdooꞌdi us waho ka maliis ma urgiyicho.

Yaakoobo 2:10

Iꞌdi tahe eti amurreti Waakh tuumman raaho iꞌdaasenyi aytoo kalday katarraantarrate, sinati eti amurre tuumman jebcho liigoocha.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

2 Beetero 3:14

Maantaka aalasseeyki an weyti ꞌdoono, geeddi atin wahaas sugtaan weyti tirriinsada, ꞌdee atinhi usu nebey ikhabtaane uskeeloo rucchul laka ikhabine eloo rucchul laka ikhabin a atin sooeleelo.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.