2 Beetero 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

2 Beetero 1:1 Referans Kwoze

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

2 Koriinto 4:13

Wihi chiiran, “An Waakh a rummeesde, ꞌdeerka yeede.” Nah laka iꞌdaasu Rubeyti Waakh ka Waakh a kakhuufne ꞌdeerka Wori Haaggan a cheekna.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Rooma 1:12

Wihi an eldi a mehe ya, saggi eteen ba Kiriisto ikakhuufo ka, uur a ismiigoonna.

2 Beetero 1:4

Wahanyeyyohaas ka Waakh ayyinti weyti haaggane indigir inno ikhabto a inno igooche, ꞌdee ayyintaas ka Waakh uummankiis leegisanna toro suujoonki harratane wahanyeyyohi liimoono keenaan kabahsanna.

1 Beetero 1:1

Khadaaba eti atin isoochiiro, a ani Beeterohi ergaano Yeesso Kiriistee. ꞌDooꞌdi an isoochiiro la a ꞌdooꞌdi Waakh soobahsate, harrata ka iꞌdi ꞌdooꞌdi yeelan ijiro, boroofenhi Boontus ichoow ki Galaatiya ichoow ki Kabadookiya ichoow ki Aassiya ichoow ki Biꞌduuniya tuumman kataasan.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Luuka 1:47

Rubeyteey la weyti Waakkheeyki ꞌDoorribee kahamaadda.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

2 Timooti 1:5

An saggi at kakhuufnaanki rummaate Kiriisto lakakhuufo ikhabto a kasooꞌhela, iꞌdi goorat inkookotaahti Looyis layadeeh ichoow abartaahti Yuunis layadeeh ijireen u. Anna a tissiba at laka a iꞌdichooda.

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Hilassi Ergaano 15:14

Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.

Mattaayo 10:2

Ergaanoti tomon ichoow lammee magahenyeticho talla, ki oraat a Siimonhi Beetero layadeeh ichoow walaaliiski Andereeya layadeeh, Yaakoobohi inam Sebedaayee ichoow walaaliiski Yoohana layadeeh,

1 Beetero 2:7

Atinhi usu rummeysattaan ka daakka weyti atin ikhummanyahe. Iꞌdaasenyi ꞌdooꞌdi irummeysan ka, “Daakki ꞌdooꞌdi minan diso ꞌdiiꞌde, usu tirrinki dagaheete min tiiro yitah.”

1 Beetero 1:7

Sinayyoha a atin isoobaheene kakhuufnaanki atin Waakh kakhuuftaan kajaane, ꞌdee saggi us ki rummaat iyahe toro eloo rucchul laka ikhabin tusaan. Kakhuufnaanka Waakh lakakhuufo gatoti ꞌdahab laka a kussanyahe. A mehe ꞌdahabi kheerowo laka ꞌdabe lakakaja toro la ꞌdabe dikha. Maanti Yeesso Kiriisto harra tuumman liisoobabbakkaahicho ka kakhuufnaankiin koolo ichoow weynaan ichoow inkaanyiti buure ꞌhela.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

Efeesso 4:5

Kamur a koo kalday one, jiti inno Waakh kakhuufno la a koo kalday one, baattissiyoti inno labaattissiye la a too kalday on.

Efeesso 3:5

Waakh kholoyyohi oraat waha dagsan ma tusine, toolla la Rubeyti Munyee ka ergaanotiisti munyee ichoow ꞌdooꞌdi Waákh íyeyyeedo munyee waha a isoobabbakkaahiche.

Galaatiya 2:8

A mehe Waakkhi hili Waakh liihilo ka Beetero ergaanoti ꞌdooꞌdi Yaꞌhuud kayeele, ani laka hili Waakh liihilo ka ergaanoti yaafohi Yaꞌhuud ieheynan a ikayeele.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Koriinto 15:9

Ergaano tuumman goyaka ani ꞌdaran. Jeenteti an ururi Waakh weyti sina iomhichuu, anihi kootte ergaano liiyadeeh laka ma imalin.

1 Koriinto 9:1

An ergaano menya? An wihi an ꞌdoono ꞌdooꞌd Kiriisto yeelo ma yeelo? An Yeessohi Kamureene ma argin a? Jeenteti holi an dowe menya atin ichoow Kamur koo kalday ititaaheen?

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Rooma 1:17

Wora Haaggan wihi us soobabbakkaahicho a saggi Waakh enenyet ꞌdooꞌdi ortiis ka fiffissan ikayeelo. Waha la koli enenyet Waakh kakhuufe kaldach on yateehiin. Iꞌdi liichiiruu, “Eti Waakh ortiis ka fissan Waakhe rummeesta. Saggaase rumanka jiro ikhaba.”

Yoohana 20:21

Yeesso toro wihi us iyidah, “Nebeytiin ma furatti! Saggi Aabbaheey ani isooerge, iche an laka atin ierga.”

Yoohana 1:42

Ulla Siimon Yeessó ikeene. Yeesso la yeye wihi us iyidah, “At a Siimonhi ínam Yoohanee menya? Magahaah kola Keefas iche layadeeh.” Ayta chirri lalaabe a Beetero ommos Daddaab.

Luuka 11:49

Jeentetaas u wihi Waakh kharatiis ka essi kallaayo, ‘ꞌDooꞌdi Waákh íyeyyeedo ichoow ergaano a ierga, icho la gaasoo a yagiisiin, gaasoo laka sina omhichaan.’

Mattaayo 4:18

Yeesso Beyti Buurenye Gaalilaaya afiche kasohtaayi, reeroo lammeenye isleedesse arge. Waha a Siimonhi Beetero layadeeh ichoow Andereeya. Iche la oroohti bahag lakakhabti bey goya isaate, a mehe hiliche a ki bahag lakhabti.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.