1 Yoohana 5:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

1 Yoohana 5:3 Referans Kwoze

Yoohana 14:15

“Chirri atin iꞌdoontaan, amuri an atin siiche a raahtaan.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

2 Yoohana 1:6

ꞌDoonine la talla, jiroteen ka amurretiissa raahna. Saggi atin uus uumaccho ka idaagteen u, amuriis a ki atin isꞌdoontaane, taba jirotiin ka isꞌdoona.

1 Yoohana 2:3

Chirri inno amurretiis raahno, saggi inno rumanka eti Waakh yahe iabanne a garanna.

Rooma 7:22

A mehe ani maleey goyaka weyti amurreti Waakh kahamaada.

Yoohana 15:14

Atin a aalassaaya chirri atin amureey raahtaan.

Ibiraaniya 8:10

Inkoo ibeennetaas kutte ayyinteeyti husube an ꞌdooꞌdi Issiraayel igoocho talla, iche Kamur essa. Amurreteey malichooda goya gessa, ꞌdee kamassaan, uurassicho goya kachiira, ꞌdee raahaan. An Waakkhichooda ateehe, icho la ꞌdooꞌdaaya yateehiin.

Rooma 7:12

Maantaka amurre Muusa rubeyche a munya, alohiche laka a munya, a fissanyahiine, toro la a haagganyahiin.

Mattaayo 23:4

Icho huleesi buurenye atin kararaane adah atin korchaane, iꞌdaasenyi icho rubeycho far ma okkhichaane enenyet ma leekhabtaan.