1 Yoohana 4:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Saggane eti Rubeyti Waakh khabo iabattaan. Eti tuummane rubeytiis woyto Yeesso Kiriisto uummanki weeli enenyete kayimiy cheeko, Waakhe kayimiy.

1 Yoohana 4:2 Referans Kwoze

1 Koriinto 12:3

Maantaka wihi an atin isoocheeko, eti Rubeyti Waakh woyto, koloo kalday laka, “Yeesso a falayyahe,” ma yadeeh. Eti Rubeyti Munyee woyto on menye koo addane, “Yeesso a Kamur,” yadeeh mele.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

1 Yoohana 4:3

Iꞌdaasenyi eti tuummane rubeytiis woyto waha Yeesso miinsan cheekin ꞌdiiꞌdo, Waakh ma kiimaatan. Etaas ginnati eti Kiriisto igafo katamiite khaba. Atin saggi eti Kiriisto igafo iyamiit a daagteene, ulla toolla laka harrata a kijira.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

1 Yoohana 1:2

Eta la a nah isoobahe, nah usu a agarre, runti usu miinsane cheekna. Toro la eta jiroti jirtuu imassan khabo, goorat Aabbahiis leejire nah isoobahe iche atin isoocheekna.

1 Yoohana 4:15

Eti tuummane saggi Yeesso Weeli Waakh iyahe cheeko, Waakh goytiissa fiddiya ulla Waakh goytiis fiddiya.

2 Yoohana 1:7

ꞌDooꞌdi ittaawenye enenyet ekkeesti, saggi Yeesso Kiriisto harrata uummanki weeli enenyet ikayimiy icheekin harra a kataaꞌhe. Eti iꞌdee tuumman a ki enenyet ekkeesti, toro la a eti Kiriisto igafo.