1 Yoohana 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.

1 Yoohana 3:3 Referans Kwoze

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

1 Yoohana 2:6

Eti tuummane Waakh goytiissa kijira essi, jiroti Yeesso jire iche jira.

2 Beetero 3:14

Maantaka aalasseeyki an weyti ꞌdoono, geeddi atin wahaas sugtaan weyti tirriinsada, ꞌdee atinhi usu nebey ikhabtaane uskeeloo rucchul laka ikhabine eloo rucchul laka ikhabin a atin sooeleelo.

Mattaayo 5:48

Maantaka saggi Aabbahaahki serey jiro ꞌdooꞌdiis tuum isikasoobahchuu, at laka tuum issoobihiche, ꞌdee wihi Waakh kaaꞌdoono yeel.”

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

Kolossaay 1:5

Wihi atin iꞌda kayeesseen la, a jeenteti atin saggi Waakh goobiis ka haaggi nool atin iabbire, atin ikhajjeessaan. Haagga Waakh la orey on daagteen, maanti atin Wori Haaggane rummaat daagteen.

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

2 Beetero 1:4

Wahanyeyyohaas ka Waakh ayyinti weyti haaggane indigir inno ikhabto a inno igooche, ꞌdee ayyintaas ka Waakh uummankiis leegisanna toro suujoonki harratane wahanyeyyohi liimoono keenaan kabahsanna.

Luuka 6:36

Saggi Aabbahiin uur inugulyahe u, atin laka ꞌdooꞌdi addan uur inugleesda.

1 Yoohana 4:17

Iꞌda ka ꞌdooninti inno isꞌdoonno tuume tateehe, ꞌdee ibeenki enenyet lahukkumo ka, roorro inno khabno mele. Iꞌdi tahe harrata ka inno a iꞌdiissa.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

Rooma 15:12

Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Yoohana 17:19

Jeentetichuu la, an a ismunyaacha, ꞌdee icho laka, rumanka lamunyaacha.

Yaakoobo 4:8

Waakh isoodowwaada giꞌde ulla a atin isoodowwaataa. Atinha uskeel leh, dahanohiin uskeeli atin yeesseen ka dikha. Atinha uurlammaal khabattaan, uurassiin dikha.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Beetero 1:15

Iꞌdaasenyi saggi eti atin wahe munya iyahuu, atin laka wihi atin yeessaan tuumman ka munya ateeha.